“Die Bou van Nauvoo,” Vriend, September 2025, 26–28.
Maandelikse Vriend-boodskap, September 2025
Die Bou van Nauvoo
Die Here het vir die Heiliges gesê om in ʼn nuwe plek bymekaar te kom. Dit was naby ʼn groot rivier waar die grond nat en modderig was. Dit het nie na ʼn goeie plek gelyk om ʼn stad te bou nie. Maar die Profeet Joseph Smith het geweet dat hulle dit met die Here se hulp pragtig kon maak.
Die Heiliges het hard gewerk om dit ʼn goeie plek te maak om in te woon. Joseph het die dorp Nauvoo genoem, wat “ʼn pragtige plek” beteken.
Die Here wou hê dat sy Heiliges ʼn tempel in Nauvoo moes bou. Die mense het vinnig begin werk.
Die Here het groot seëninge gehad om aan sy volk te gee. In die tempel sou hulle verbonde, of spesiale beloftes met die Here sluit. Hulle sou ook leer oor Hemelse Vader se plan van geluk vir al sy kinders.
Die Heiliges het hard gewerk om die tempel te bou. Dit het lank geneem, maar hulle was opgewonde om oor die spesiale beloftes wat die Here vir hulle in sy tempel gehad het, te leer.
Inkleurbladsy
Die Tempel Is die Huis van die Here
Illustrasie deur Corey Egbert
Hoe voel jy wanneer jy ʼn tempel sien?
© 2025 deur Intellectual Reserve, Inc. All rights reserved. Gedruk in die VSA. Engelse goedkeuring: 6/19. Vertalingsgoedkeuring: 6/19. Vertaling van Monthly Friend Message, September 2025. Afrikaans. 19640 501