Kalbus u Liberty

Gidii’ nima par u Missouri e dabun dakean raed fapi Gidii’en Got. Fare aam e pi’ e salthaw ngani tuluf raed.

Fapi salthaw era kalbus niged Joseph Smith nge boech e tiyugang’ ko Galasia. Reb e nep ngay, ma bay fapi salthaw nibe matanngiy e kalbus ni yaed be minmin ko pin’en nikar rrin’ed nib kireb ngak fapi Gidii’en Got.

Me sak’iy Joseph ngalan me tolulnag, “Dabkum non gaed!” Ke non nibay gelngin Got riy. Fapi salthaw ni yaed be matanngiy era siroq gaed mi yaed tal ko numon.

Ta’aboch riy, ma kun tay Joseph nge tafagar rok’ ngalan e kalbus nibay ulan reb e binaew ni kanoeg yu Liberty ngay. Fare kalbus e rib gel a garbeb riy, ma rib achichig, ni rib lumor. Makemus ni ri’in gaf e pan e bay riy nrayag ni ngan mol nga dakean. Ggan ni pi’ ngoraed u rom e karang e m’ar ngoraed.

Joseph nibe m’agfaen’ ngak e fapi Gidii’en Got. Ma dariy ban’en nrayag ni nge rrin’ ni nge ayuwegraed.

Joseph e meybil nri bo’or yay. Ke fith ko mangfan nike pagtilin Got mornga’agen nge fapi member ko Galasia.

Got nike fulweg taban e meybil rok’ Joseph. Ni ga’ar, “Fakag, gapas ngalan gum’ircha’em.” Me yoeg ngak Joseph ni biney e gafgow e dabi par nib manemus ma biney era mang fal’ngin. Me micheg nag ngak Joseph nra par rok ni “dariy bi’id manemus” (Doctrine and Covenants 121:7, 46).

Babyor ni Yima Achay Yaʼan

Rayog ni Ngug Mang Tomilang ngak Boch e Gidii’

Murwel rok’ Corey Egbert

Urogon ni gabe dag e wo’ nib thil ngak boch e gidii’?