2025
Te fare tāpe’ara’a nō Liberty
Mē 2025

« Te fare tāpe’ara’a nō Liberty », Hoa, ’Ātete 2025, 26–28.

Parau poro’i tā’āva’e nō te Hoa, ’Ātete 2025

Te fare tāpe’ara’a nō Liberty

Mau fare tei tāninahia ’e te mau ta’ata ’iriā ’e te mau pupuhi

E rave rahi ta’ata e ora ra i Missouri ’aita e au roa i te feiā mo’a. ’Ua tono te tāvana hau i te mau fa’ehau nō te fa’ahaere ia rātou i rāpae.

E ta’ata i ni’a i te hō’ē pua’ahorofenua e fa’atoro ra i te hō’ē ’o’e i ni’a ia Iosepha Semita.

’Ua tāpe’a te mau fa’ehau ia Iosepha Semita ’e te tahi atu feiā fa’atere o te ’Ēkālesia. I te hō’ē pō, tē ’ata ra te mau tīa’i nō te mau ’ohipa ’ino tā rātou i rave i te feiā mo’a.

Iosepha Semita, ma te mau fifi i tōna fatira’a rima, ’ua ti’a i ni’a ’e ’ua parau atu i te mau ta’ata.

’Ua ti’a atu Iosepha ’e ’ua tuō atu, « māmū ! » ’Ua parau ’oia ma te mana o te Atua. ’Ua tātarahapa mai te mau tīa’i ’e ’ua fa’aea i te paraparau.

Iosepha Semita ’e te tahi atu mau tāne i roto i te fare tāpe’ara’a nō Liberty, ma te huru ’oto ’e te to’eto’e

I muri a’e, ’ua tu’uhia Iosepha ’e tōna mau hoa i roto i te hō’ē fare tāpe’ara’a i te hō’ē ’oire tei pi’ihia Liberty. E mea to’eto’e te fare tāpe’ara’a, te na’ina’i ’e te pōiri. E ’āretu repo noa tō rātou nō te ta’oto. Te mā’a e hōro’ahia nā rātou, ’ua ha’ama’i ia rātou.

Iosepha Semita e ta’i nei ’e hō’ē ta’ata e tāmāhanahana ra iāna

Tē pe’ape’a nei Iosepha nō te feiā mo’a. ’Aita rā tāna e nehenehe e rave i te hō’ē ’ohipa nō te tauturu ia rātou.

Iosepha Semita e tūturi ra nō te pure i roto i te fare tāpe’ara’a

’Ua pure rahi Iosepha. ’Ua ui ’oia ’ua mo’ehia ānei ’oia i te Atua ’e te mau melo o te ’Ēkālesia.

Iosepha Semita e tūturi ra i roto i te fare tāpe’ara’a, ma te hi’o i ni’a i te māramarama o te mahana e tomo mai ra nā te hō’ē ha’amāramarama na’ina’i

’Ua pāhono mai te Atua i te pure a Iosepha. ’Ua parau ’oia [te Atua], « e tā’u tamaiti, ’ia vai te hau i roto i tō ’oe vārua ». ’Ua parau te Atua ia Iosepha ē, e’ita tōna mau tāmatara’a e vai ē a muri noa atu, ’e e riro te reira ’ei maita’i nōna. ’Ua fafau mai ’oia ē, e vai noa ’oia i pīha’i iho ia Iosepha « ē a muri ē a muri noa atu » (Te Ha’api’ira’a Tumu ’e te mau Fafaura’a 121:7, 46).

ʼApi fa’a’ūraʼa

E nehenehe au e riro ’ei māramarama nō vetahi ’ē.

’Api ’ātivite fa’a’ūra’a ’e hō’ē fare mori, hō’ē ’apa’apa ’ōfa’ifa’i ’e hō’ē pahī tā’ie i ni’a i te moana

Fa’ahōho’ara’a nā Corey Egbert

Nāhea ’oe e riro ai ’ei hi’ora’a maita’i nō vetahi ’ē ?

© 2025 nā Intellectual Reserve, Inc. Fatura’a pāruruhia. Nene’ihia i te Fenua Marite. Parau fa’ati’a nō te reo Peretāne : 6/19. Parau fa’ati’a nō te ’īritira’a : 6/19. ’Īritira’a nō Monthly Friend Message, August 2025. Tahitian. 19642 895