Jere reLiberty

Dzimba dziri kutsva uye varume vakashatirwa vane pfuti

Vanhu vakawanda muMissouri vakanga vasingadi Vatendi. Gavhuna akatumira masoja kunovaita kuti vabve.

Murume ari pabhiza akanongedzera munondo kuna Joseph Smith

Masoja akasunga Joseph Smith nevamwe vatungamiri veChechi. Humwe husiku, varindi vaiva vachiseka pamusoro pezvinhu zvakaipa zvavakanga vaita kuVatendi.

Joseph Smith aine ngetani pazviningoningo zvake, akamira uye achitaura kuvarume vacho

Joseph Smith akasimuka uye akadaidzira kuti, “Nyararai!” Akataura nesimba raMwari. Varindi vakati vaiva neurombo uye vakarega kutaura.

Joseph Smith nevamwe varume vari muJere reLiberty vachitaridzika kusuwa uye kutonhorwa

Pashure, Joseph neshamwari dzake vakaiswa mujere muguta rainzi Liberty. Jere racho raitonhora, riri diki, uye riine rima. Vakanga vachigova chete neuswa hwune tsvina hwokurarira. Zvokudya zvavakapuwa zvakaita kuti varware.

Joseph Smith achichema uye murume achimunyaradza

Joseph ainetsekana pamusoro paVatendi. Asi haana chaaikwanisa kuita kuvabatsira.

Joseph Smith akapfugama kuti anamate mujere

Joseph akanamata kakawanda. Akabvunza kana Mwari vakanga vakanganwa pamusoro pake nenhengo dzeChechi.

Joseph Smith akapfugama mujere, akatarisa mudenga kuchiedza chaipinda nepahwindo diki

Mwari vakapindura munamato waJoseph. Vakati, “Mwanakomana wangu, runyararo ngaruve kumweya wako.” Mwari vakaudza Joseph kuti zvinetso zvake hazvaizoramba zviripo nariinhi nariinhi uye kuti zvaizova zvakamunakira. Vakavimbisa kuti Vaizova naJoseph “nariinhi nariinhi wose” (Dzidziso neZvibvumirano 121:7, 46).

Peji yekuisa ruvara ine chivako chepagungwa chinopa chiedza, mahombekombe ane matombo, uye chikepe chiri mugungwa