Jikin Kalbuuj Liberty

Em̧ ko reurur im em̧m̧aan ro rellu kōn pu ko

Elōn̄ armej ilo Missouri raar dike Armej ro Rekwojarjar. Kabna eo ekar jilkinļo̧k ritariņae ro n̄an kōm̧m̧an bwe ren em̧m̧akūt.

Emm̧aan eo ioon juon kidia ej jitōn̄ļo̧k Josep Smith kōn jāje

Ritariņae ro raar kalbuuji Josep Smith im ritōl ro jet an Kabun̄ in. Juon bon̄, rilale kalbuuj ro raar ettōn̄ kōn men ko renanan raar kōm̧m̧ani n̄an Armej ro Rekwojarjar.

Josep Smith kōn tomede ko ipein, jutak im kōnnaan n̄an em̧m̧aan ro

Josep ekar jutak im lam̧ōj, “Ikōn̄!” Ekar kōnono kōn kajoor an Anij. Rilale kalbuuj eo rekar joļo̧k aer bōd im bōjrak aer ekōnono.

Josep Smith im em̧m̧aan ro jet ilo Jikin Kalbuuj Liberty raar būrom̧ōj im pio̧

Tokālik, Josep im ro m̧ōttan rekar likūt er ilo juon jikin kalbuuj ilo juon bukwōn kar ņaetan Liberty. Jikin kalbuuj eo ekar m̧ōļo, dik, im marok. Ekar wōr wōt jet ippāer ujooj kijen kau n̄an kiki ioer. M̧ōn̄ā ko raar leļo̧k n̄an er raar kōnan̄inmej er.

Josep Smith ej jan̄ im juon em̧m̧aan ej kaenōm̧m̧ane e

Josep ej inepata kōn Armej ro Rekwojarjar. Ak ekar jab maron̄ kōm̧m̧an jabdewōt n̄an jipan̄ er.

Josep Smith ej bukwelōlō n̄an jar ilo kalbuuj

Josep ekar ļap an jar. Ear kajjitōk eļan̄n̄e Anij ekar meļo̧kļo̧k e im ro uwaan Kabun̄ eo.

Josep Smith ej bukwelōlō ilo kalbuuj, reilōn̄ļo̧k n̄an aļ romaakļo̧k ilo juon wūntō jidikdik

Anij ekar uwaake jar eo an Josep. Ekar ba, “Nejū m̧aan, aenōm̧m̧an en n̄an am.” Anij ekar jiron̄ļo̧k Josep bwe apan̄ ko renaaj n̄an jidik wōt iien, im renaaj n̄an em̧m̧an eo an. Ekar kallim̧ur bwe E enaaj kar pād ippān Josep “n̄an indeeo im indeeo” (Katak im Bujen Ko 121:7, 46).

M̧akutkut in peij in kōļar eo ippān juon im̧ōn bar, parijet edekāke, im juon wa wijļā ioon lojet

© 2025 jān Intellectual Reserve, Inc. Aolep jim̧we ko re pād. Buriin ilo USA. Kōmālim ilo kajin In̄lij: 6/19. Kōmālim ukook eo: 6/19. Ukok eo an Monthly Friend Message, August 2025.. Marshallese. 19642 874