Ụlọ Mkpọrọ Libatị

Ọtụtụ ndị mmadụ na Missouri enweghị mmasị ebe Ndị nsọ nọ. Gọvanọ ahụ zigara ndị agha iji mee ka ha pụọ.

Ndị agha jidere Joseph Smith na ndị ndu ọzọ nke Nzukọ nsọ. Otu abalị, ndị nche ahụ nọ na-achị ọchị banyere ihe ọjọọ niile ha meworo ndị nsọ

Joseph Smith guzoro ọtọ ma tie mkpu, “Gbaanụ nkịtị!” O kwuru okwu site nʻike nke Chineke. Ndị nche ahụ sịrị ndo ma kwụsị ikwu okwu.

Emesịa, Josef Smith na ndị enyi ya ka akpọchiri niime ụlọ mkpọrọ nʻobodo ukwu akpọrọ Libati. Ụlọ mkpọrọ ahụ na-atụ oyi, pee mpe, ma gbaa ọchịchịrị. Ha nwere naanị akwà ruru unyi ha ga-arahụ ụra na ya. Nri enyere ha mere ka ha daa ọrịa.

Josef nwere nchegbu maka Ndị nsọ. Mana enweghị ihe o nwere ike ime iji nyere ha aka.

Josef kpere ọtụtụ ekpere. Ọ jụrụ ma Chineke echefuwo banyere ya na ndị otù Nzukọ nsọ.

Chineke zara ekpere Josef. O kwuru, “Nwa m nwoke, udo dịrị mkpụrụ obi gị.” Chineke gwara Josef na ịma aka ya niile agaghị adị ruo mgbe ebighị ebi nakwa na ha ga-abụ maka ọdịmma ya. O kwere nkwa na Ọ ga-anọnyere Josef “site nʻebighị ruo nʻebighị ebi” (Ozizi na Ọgbụgba ndụ niile 121:7, 46).

Ihuakwụkwọ a Na-ete agba

E Nwere M Ike Ịdị Ka Ihè nye Ndị ọzọ

Ngosipụta sitere n’aka Corey Egbert

Olee otu i si bụrụ ezi ọmụmatụ nye ndị ọzọ?