“Tsev Kaw Liberty,” Phooj Ywg, Yim Hli Ntuj 2025, 26–28.
Zaj Lus hauv Phooj Ywg Txhua Hli, Yim Hli Ntuj 2025
Lub Tsev Kaw Liberty
Neeg coob hauv Missouri tsis nyiam Tsoom Haiv Neeg Ntseeg. Tus tswv xeev tau xa tub rog mus yuam kom lawv khiav tawm.
Cov tub rog txhom Joseph Smith thiab lub Koom Txoos ib cov thawj coj. Ib hmo, cov tub zov tau luag thiab thuam txog tej yam phem uas lawv tau ua rau cov Tsoom Haiv Neeg Ntseeg.
Joseph sawv ntsug thiab qw, “Nyob twj ywm!” Nws hais lus nrog Vajtswv lub hwj chim. Cov tub zov tau hais tias thov txim ces nyob twj ywm.
Tom qab ntawd, Joseph thiab nws cov phooj ywg tau raug muab kaw hauv ib lub tsev kaw hauv lub zos Liberty. Lub tsev kaw no no, me me, thiab tsaus ntuj. Lawv tsuas muaj tej quav nplej ua txaj pw xwb. Tej zaub mov uas muab rau lawv ua rau lawv mob.
Joseph txhawj txog cov Neeg Ntseeg. Tiam sis nws pab tsis tau lawv hlo li.
Joseph thov Vajtswv ntau zaus. Nws nug Vajtswv seb Vajtswv puas tsis nco qab txog nws thiab cov mej zeej ntawm lub Koom Txoos.
Vajtswv teb Joseph tej lus thov. Nws hais, “Kuv tus tub, koj cia li nyob kaj siab lug.” Vajtswv qhia Joseph hais tias nws tej teeb meem yuav tsis kav ib txhis thiab yuav zoo rau nws. Nws cog lus tias Nws yuav nyob nrog Joseph “mus ib txhiab thiab ib txhis li” (Lus Qhuab Qhia thiab Kev Khi Lus 121:7, 46).
Phab Ntawv Tha Xim
Kuv Ua Tau Zoo Li Kuv Yog Ib lub Teeb rau Lwm Tus
Daim duab los ntawm Corey Egbert
Koj ua li cas kom ua ib tug yam ntxwv zoo rau lwm tus?
© 2025 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly Friend Message, August 2025. Hmong. 19642 295