Bilanggoan sang Liberty

Nagakasunog nga mga balay kag akig nga mga tawo nga may dala nga mga pusil

Madamo nga tawo sa Missouri ang wala manamii sa mga Santos. Nagpadala sang mga soldado ang gobernador para pahalinon sila.

Tawo nga nagasakay sa kabayo nga nagataya sang espada kay Joseph Smith

Gindakop sang mga soldado si Joseph Smith kag ang iban nga mga lider sang Simbahan. Isa ka gab-i, nagakinadlaw ang mga guwardya parte sa malain nila nga ginpanghimo sa mga Santos.

Si Joseph Smith nga may gapos ang mga kamot, nagatindog kag nagaistorya sa mga tawo

Nagtindog si Joseph kag nagsinggit, “Hipos!” Naghambal sia upod ang gahum sang Dios. Nangayo sang patawad ang mga guwardya kag nag-untat sa pag-istoryahanay.

Si Joseph Smith kag ang iban nga mga tawo sa Bilanggoan sang Liberty nga masubo kag ginatugnawan

Sang ulihi, ginbutang si Joseph kag ang iya mga abyan sa prisuhan sa banwa nga ginatawag Liberty. Matugnaw, gamay, kag madulom ini nga prisuhan. Mahigko nga uhot lang ang ila matulugan. Naglain ang ila tiyan sa pagkaon nga ginahatag sa ila.

Si Joseph Smith nga nagahibi kag isa ka tawo nga nagaulo-ulo sa iya

Nabalaka si Joseph sa mga Santos. Pero wala sia sang mahimo para buligan sila.

Si Joseph Smith nga nagaluhod sa pagpangamuyo sa prisuhan

Pirme nagapangamuyo si Joseph. Ginpamangkot niya kon ginkalimtan na bala sia kag ang mga miyembro sang Simbahan sang Dios.

Si Joseph Smith nga nagaluhod sa prisuhan, nga nagatangla sa silak sang adlaw nga nagalusot sa gamay nga bintana

Ginsabat sang Dios ang pangamuyo ni Joseph. Siling Niya, “Anak ko, paghidaet sa imo kalag.” Ginhambalan Niya si Joseph nga ang iya mga k**abudlayan mangin malip-ot lamang, kag mangin para ini sa iya kaayuhan. Nagpromisa Sia nga updan Niya si Joseph “tubtob sa wala’y katapusan” (Doktrina kag mga Kasugtanan 121:7, 46).

Aktibidades sa pagkolor sang pahina nga may parola, batuhon nga baybay, kag baruto sa dagat

© 2025 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly Friend Message, August 2025. Hiligaynon. 19642 861