Te Umwa ni Kaikain i Liberty

A mwaiti aomata i Missouri ake aki tangiriia Aomata aika Itiaki. E kananako te koowana nakoia tautia bwa a na kanakoaki.

A kaburea Iotebwa Timiti Tautia ao tabeman taan kairiiri n te Ekaretia. N te tairiki teuana, a ngarengare taan teiakiniia ibukin buakakan aroia ake a tia ni karaoia nakoia Aomata aika Itiaki.

E teirake Iotebwa ao e takarua, “Tai karongoa!” E taetae ma mwaakan te Atua. A kabwaraa aia bure taan tararua ao n katoka aia taetae.

Rimwi riki, a kamatawarikaki Iotebwa ma raoraona n te kaawa ae arana Liberty. E rangi ni kamariri, e uarereke, ao n rotongtong te umwa ni kaikain. Bon ti te kie ae barekareka ae a kona ni matu i aona. A aoraki naba man te amwarake are a anganaki.

E raraoma Iotebwa ibukin aroia Aomata aika Itiaki. Ma akea te bwai ae kona ni karaoia ni buokiia.

E tataro n taainako Iotebwa. E titirakina te Atua ngkana E a mwaninga taekana ma taekaia membwa n te Ekaretia.

E kaekai ana tataro Iotebwa te Atua. E taku, “Natiu, e na mena te rau n tamneim.” E tuanga Iotebwa bwa e na aki tiku nako ana kangaanga, a na riki bon ibukina. E berita bwa E na mena iroun Iotebwa “n aki totoki” (Reirei ao Berita aika Tabu 121:7, 46).

Te Iteraniba ae na Karanaki

I Kona n Riki bwa te Ota nakoia Tabemwang

Kamataata n te Tamnei iroun Corey Egbert

E kanga arom n riki bwa te banna ni katooto ae tamaroa nakoia tabeman?