Valeniveivesu e Lipati

E vuqa na tamata e Misuri era a sega ni taleitaki ira na Yalododonu. Na kovana a talai ira na sotia me cemuri ira.

Era vesuki Josefa Simici na sotia kei ira eso na iliuliu ni Lotu. Ena dua na bogi, era a dredrevaka tiko na sotia na veika ca era a cakava vei ira na Yalododonu.

A tucake o Josefa ka kailavaka, “Vakanomodi!” A vosa o koya ena kaukauwa ni Kalou. Era a kere veivosoti na yadra ka cegu na nodra veivosaki.

Oti oya, e a qai biu o Josefa kei iratou na nona itokani ena valeniveivesu ena tauni o Lipati. Na valeniveivesu e a batabata, qiqo, ka butobuto. Eratou a davo ga ena co madu me moce kina. Na kakana a soli vei iratou a vakavuna meratou tauvimate kina.

A lomaleqataki ira na Yalododonu o Josefa. Ia a sega ni rawa ni cakava edua na ka me vukei ira kina.

A masu vakalevu o Josefa. A taroga se sa guilecavi koya beka na Kalou kei ira na lewe ni Lotu.

A sauma na Kalou na masu nei Josefa. A kaya o Koya, “Na luvequ, me vakacegu na yalomu.” A kaya na Kalou vei Josefa ni nona bolebole ena sega ni tawamudu ka na yaco me na vinaka kina o koya. A yalataka o Koya ni na tiko vata kei Josefa me “sega ni mudu ka sega ni mudu” (Vunau kei na Veiyalayalati 121:7, 46).

Draunipepa ni Rokarokataki

Au Rawa ni Vaka edua na Rarama vei Ira na Tani

Droini mai vei Corey Egbert

O sa ivakaraitaki vinaka vakacava vei ira na tani?