Liberty Efiadze

Adan a wɔrehyew na mbanyin a hɔn bo efuw a wɔdzedze itur

Nna nkorɔfo pii wɔ Missouri a wɔmmpɛ Ahotseweefo no hɔn asɛm. Ambrado no somaa nsordaafo dɛ wɔnnyɛ ma womfi hɔ nkɔ.

Banyin a ɔtse pɔnkɔ do atsen nkrantsee wɔ Joseph Smith do

Nsordaafo no kyeer Joseph Smith na Asɔr baanodzifo binom. Anafua bi, nna aweɔmfo no ridzi aserewserew wɔ ndzɛmba bɔn a wɔayɛ etsia Ahotseweefo no ho.

Joseph Smith a nkɔnsɔnkɔnsɔn gu ne nsa, asoɛr egyina na ɔrekasa akyerɛ mbanyin no

Joseph Smith soɛree na ɔtsẽaa mu, “Hom nyɛ dzinn!” Ɔdze Nyankopɔn no tum kasae. Aweɔmfo no kãa dɛ wɔpa kyɛw na wogyaa kasa.

Joseph Smith na mbanyin binom wɔ Liberty Efiadze a hɔn werɛ ahow na awɔw dze hɔn

Ekyir no, wɔdze Joseph na n’anyɛnkofo koguu efiadze mu wɔ kurow a wɔfrɛ no Liberty. Nna efiadze hɔ yɛ awɔw, hɔ suar, na hɔ yɛ sum. Nna efuw a wɔayɛ fĩ nko bi na wɔwɔ dɛ wɔda do. Edziban a wɔdze maa hɔn no maa wɔfefee.

Joseph Smith rusũ na banyin bi rekyekye no werɛ

Joseph tseetsee wɔ Ahotseweefo no ho. Naaso nna onnkotum ayɛ biribiara dze aboa hɔn.

Joseph Smith ebu ntwɛr robɔ mpaa wɔ efiadze

Joseph bɔɔ mpaa pii. Obisae sɛ Nyankopɔn no werɛ efir ɔno na Asɔrmba no a.

Joseph Smith ebu ntwɛr wɔ efiadze, rohwɛ sor hwɛ ewia ne kan a ɔrehyerɛn dua ntokura kakraba bi mu

Nyankopɔn yii Joseph ne mpaabɔ ano. Ɔkãa dɛ, “Me ba, asomdwee nkã wo kra.” Nyankopɔn kãa kyerɛɛ Joseph dɛ ne haw no ronnkɔ do afebɔɔ na dɛ ɔbɛyɛ ne yieyɛ. Ɔbɔɔ no anohoba dɛ Ɔbɛka Joseph no ho “afebɔɔ kesi afebɔɔ” (Nkyerɛkyerɛ na Ahyɛmudzi 121:7,46).

Krataafa a wɔkekã mu dwumadzi a kandzea abantsentsen, mboba mpoano, na nsumu hɛn a ɔda po do wɔ mu.

© 2025 by Intellectual Reserve, Inc. All rights reserved. Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛasee ngye ntomu: 6/19. Monthly Friend Message, August 2025. ne nkyerɛasee. Fante. 19642 502