Libeti Kalabus

Plante pipol long Misuri oli no laekem ol Sent. Gavna i sendem ol soldia blong go ronemaot olgeta.

Ol soldia oli arestem Josef Smit mo ol narafala Jos lida. Wan naet, ol bodigad oli stap laf abaot ol rabis samting we oli mekem long ol Sent.

Josef i stanap mo singaot strong long olgeta, “Yufala i stap kwaet!” Hem i toktok wetem paoa blong God. Ol bodigad ia oli talem se oli sore mo oli stop blong toktok.

Afta, Josef mo ol fren blong hem oli putum olgeta long wan kalabus long wan taon we oli singaotem Libeti. Kalabus ia i kolkol, i smol, mo i tudak. Oli gat ol toti gras blong slip long hem. Ol kaekae we oli givim long olgeta i mekem olgeta i sik.

Josef i stap wari abaot ol Sent. Be hem i no save mekem wan samting blong helpem olgeta.

Josef i prea fulap. Hem i askem sapos God i fogetem hem mo ol memba blong Jos.

God i bin ansarem prea blong Josef. Hem i talem, “Boe blong mi, bae pis i stap long sol blong yu.” God i talem long Josef se ol jalenj ia bae i no stap longtaem be bae oli stap blong gud blong hem. Hem i promes se Hem bae i stap wetem Josef “blong oltaem mo oltaem” (Doktrin mo Ol Kavenan 121:7, 46).

Pej blong Kala

Mi Save Kam Wan Laet long Ol Narafala wan

Pikja droing i kam long Corey Egbert

?Olsem wanem yu stap olsem wan gud eksampol long ol narawan?