Liberty-gevangenis

Baie mense in Missouri het nie van die Heiliges gehou nie. Die goewerneur het soldate gestuur om hulle te laat trek.

Die soldate het Joseph Smith en ander Kerkleiers in hegtenis geneem. Een aand het die wagte gelag oor slegte dinge wat hulle aan die Heiliges gedoen het.

Joseph het opgestaan en geskree: “Stilte!” Hy het met God se mag gepraat. Die wagte het gesê hulle is jammer en het opgehou praat.

Joseph en sy vriende is later in ʼn gevangenis gesit in ʼn dorp genaamd Liberty. Die tronk was koud, klein en donker. Hulle het net vuil strooi gehad om op te slaap. Die kos wat aan hulle gegee is, het hulle siek gemaak.

Joseph was bekommerd oor die Heiliges. Maar hy kon niks doen om hulle te help nie.

Joseph het baie gebid. Hy het gevra of God van hom en die Kerklede vergeet het.

God het Joseph se gebed verhoor. Hy het gesê: “My seun, vrede vir jou siel.” God het vir Joseph gesê dat sy uitdagings nie vir ewig sou duur nie en dat dit vir sy beswil sou wees. Hy het Joseph belowe dat Hy “vir ewig en ewig” met hom sou wees (Leer en Verbonde 121:7, 46).

Inkleurbladsy

Ek Kan ʼn Lig vir Ander Wees

Illustrasie deur Corey Egbert

Hoe is jy ʼn goeie voorbeeld vir ander?