Àwọn Àpóstélì Sin Míṣọ̀n kan lọ sí Great Britain

Olúwa wí fún Joseph Smith láti rán àwọn kan lára ​​àwọn Àpóstélì lọ ní míṣọ̀n kan sí Great Britain. Ó ṣòro fún àwọn Àpóstélì láti fi àwọn ìdílé wọn sílẹ̀, ṣùgbọ́n Olúwa ṣèlérí láti bùkún wọn.

Heber C. Kimball àti ìyàwó rẹ, Vilate, ní ẹbí ọ̀dọ́ kan. Ọ̀pọ̀lọpọ̀ lára wọn ló ṣàìsàn gan-an.

Brigham Young tún ṣàìsàn, àti pé ẹbí rẹ́ jẹ́ tálákà. Ṣùgbọ́n ìyàwó Brigham, Mary Ann, wí fún un pé, “Lọ ṣe iṣẹ míṣọ̀n rẹ, Olúwa yíò bùkún fún ọ.”

Ara Heber àti Brigham yá si, ṣùgbọ́n wọ́n jẹ́ aláìlágbára gan an. Wọ́n fẹ́ láti wàásù ìhìnrere, nítorí náà wọ́n dágbére fún àwọn ẹbí wọn, wọ́n sì gun ẹ̀hìn kẹ̀kẹ́-akẹ́rù kan láti bẹ̀rẹ̀ ìrìn àjò wọn.

Lẹ́hìn ìrin-àjò gígùn kan sọdá òkun, Heber ati Brigham dé sí Great Britain. Pẹ̀lú àwọn Àpóstélì míràn, wọ́n kọ́ ọ̀pọ̀lọpọ̀ àwọn ènìyàn ní ìhìnrere. Ẹgbẹẹgbẹ̀rún ènìyàn ni ó ṣe ìrìbọmi sínú Ìjọ Jésù Krístì. Ọ̀pọ̀ nínú wọn wakọ̀ sọdá òkun láti darapọ̀ mọ́ àwọn ènìyàn mímọ́ ní United States.

Olúwa mú ìlérí Rẹ̀ ṣẹ láti tọ́jú àwọn ẹbí Heber àti Brigham nígbàtí wọ́n nsìn Ín gẹ́gẹ́bí òjíṣẹ́ ìhìnrere.

Ojú-ewé Kíkùn

Ọlọ́run Dá Gbogbo Ẹ̀dá Sórí Ilẹ̀ Ayé

ìjúwe láti ọwọ́ Corey Egbert

Kíni ẹ̀dá tí o fẹ́ràn jùlọ?