Apostels ni Pigpig ko Mission nga Great Britain

Fare Somoel nike yoeg ngak Joseph Smith ni nge pinning boch e pi Apostle ni ngar ranoed ko mission rorad nga Great Britain. Rib mo’omaw ni ngar chuw gad e tabianw rorad e pi Apostle, machane fare Somoel ni ke micheg ngorad ir ra yibliy nag rad.

Bay e tabinaw nib bi’ech rorow Heber C. Kimball nge le’engig, fithingan Viate. Bo’or ni ka’ m’ar.

Ri kab m’ar Brigham Young, nge tabinaew rok’ e ri yaed ba gafgow. Machane le’engin Brigham, ni fithingan i Mary Ann, e yoeg ngak, “Maen ngam rrin’ e muruwel rom, ma Somoel e bayi tawa’ath nigem.”

Heber nge Brigham ni kar mangew nib fel’ rogon, machane dakiry’ e gelingrow. Yad ba’adag ni ngar machib nag fare gospel, ere ni kar yoeged e kafel’ ngak e tabinaw rorad nge ranoed ngalang ulan e wagon ere ni kar tababgad e milekag rorad.

Tomuren nikar milekag gow u barba’ e naam, fin aram me tay Heber ne Brigham nga Great Britain. Ni bay reb e pi Apostle, ni kar machib nag e gospel ngak bo’or e gidii’. Biyu’ e gidii’ ni kar tawfe nag ulan e Galasia rok Yesus Kristus. Bo’or e gidii’ ney ni kar th’aebed nga barba’ farengi day ere ni ngar uned e fapi Gidii’en ulan fare United States.

Somoel e rrin’ ni woed rogon ni michmicheg ni ayuweg e tabinaew ku Heber nge Brigham ko ngiyal’ ni yow be pigpig Ngak ni yow e fagli tamachib.

Babyor ni Yima Achay Yaʼan

Got ni Ke Sunmiy Urngin e Gamanman udakaen e Feylang.

Murwel rok’ Corey Egbert

Bin ngan e gamangam ni gaba adag?