प्रेरितहरूले ग्रेट ब्रिटेनमा सुसमाचार प्रचारको सेवा गर्नुहुन्छ

परमप्रभुले जोसेफ स्मिथलाई केही प्रेरितहरूलाई ग्रेट ब्रिटेनमा सुसमाचार प्रचार गर्नका लागि पठाउन भन्नुभयो । प्रेरितहरूलाई आफ्नो परिवार छोड्न कठीन थियो तर परमप्रभुले उहाँहरूलाई आशीषित गर्ने प्रतिज्ञा गर्नुभयो ।

हिबर सी. किम्बल र उहाँकी श्रीमती, भाइलेटको हुर्कँदै गरेको परिवार थियो । उहाँहरूमध्ये अधिकांश बिरामी हुनुहुथ्यो ।

ब्रिघम यङ पनि बिरामी हुनुहुन्थ्यो र उहाँको परिवार गरिब थियो । परन्तु ब्रिघमकी श्रीमती मेरी एनले उहाँलाई भन्नुभयो, “जानुहोस् र आफ्नो सुसमाचार प्रचार सेवा पूरा गर्नुहोस् र परमप्रभुले तपाईंलाई आशीष दिनुहुने छ ।”

हिबर र ब्रिघमको स्वास्थ्यमा सुधार भयो तर उहाँहरू धेरै कमजोर हुनुहुन्थ्यो । उहाँहरू सुसमाचार प्रचार गर्न चाहनुहुन्थ्यो, त्यसैले उहाँहरूले आफ्नो परिवारसँग बिदाइ लिँदै आफ्नो यात्रा सुरु गर्न गाडाको पछाडि चढ्नुभयो ।

समुद्र पारको लामो यात्रा पछि हिबर र ब्रिघम ग्रेट ब्रिटेनमा आइपुग्नुभयो । अन्य प्रेरितहरूसँगै उहाँहरूले धेरै मानिसहरूलाई सुसमाचार सिकाउनुभयो । हजारौँ मानिसहरूले येशू ख्रीष्टको चर्चमा बप्तिस्मा लिनुभयो । उहाँहरूमध्ये धेरैले संयुक्त राज्य अमेरिकामा सन्तहरूसँग सहभागी हुन समुद्र पार गर्नुभयो ।

सुसमाचार प्रचारकका रूपमा सेवा गर्दा परमप्रभुले हिबर र ब्रिघमका परिवारहरूलाई उहाँहरूको हेरचाह गर्ने आफ्नो प्रतिज्ञा पूरा गर्नुभयो ।

रङ्ग भर्ने पाना

पृथ्वीमा भएका हरेक प्राणीलाई परमेश्वरले सृष्टि गर्नुभयो

कोरी एगबर्टद्वारा चित्रण

तपाईंलाई मनपर्ने प्राणी के हो?