ຂ່າວສານປະຈຳເດືອນ Friend, ເດືອນກໍລະກົດ 2025
ອັກຄະສາວົກຮັບໃຊ້ເຜີຍແຜ່ທີ່ອັງກິດ
ພຣະຜູ້ເປັນເຈົ້າໄດ້ບອກໂຈເຊັບ ສະມິດ ໃຫ້ສົ່ງອັກຄະສາວົກບາງຄົນໄປເຜີຍແຜ່ໃນອັງກິດ. ມັນເປັນເລື່ອງຍາກສຳລັບອັກຄະສາວົກທີ່ຈະຈາກຄອບຄົວຂອງພວກເພິ່ນໄປ, ແຕ່ພຣະຜູ້ເປັນເຈົ້າໄດ້ສັນຍາວ່າຈະອວຍພອນພວກເພິ່ນ.
ຮີເບີ ຊີ ຄິມໂບ ແລະ ພັນລະຍາຂອງເພິ່ນ, ນາງວິເລດ, ມີລູກທີ່ຍັງນ້ອຍຢູ່. ຫລາຍຄົນປ່ວຍໜັກ.
ບຣິກຳ ຢັງ ກໍເຈັບປ່ວຍເຊັ່ນກັນ, ແລະ ຄອບຄົວຂອງເພິ່ນກໍທຸກຍາກ. ແຕ່ພັນລະຍາຂອງບຣິກຳ, ນາງແມຣີ ແອນ, ໄດ້ບອກເພິ່ນວ່າ, “ຈົ່ງໄປ ແລະ ເຮັດວຽກງານເຜີຍແຜ່ຂອງອ້າຍໃຫ້ສຳເລັດ, ແລະ ພຣະຜູ້ເປັນເຈົ້າຈະໃຫ້ພອນແກ່ອ້າຍ.”
ຮີເບີ ແລະ ບຣິກຳຮູ້ສຶກດີຂຶ້ນ, ແຕ່ພວກເພິ່ນຍັງອ່ອນເພຍຢູ່. ພວກເພິ່ນຢາກສັ່ງສອນພຣະກິດຕິຄຸນ, ສະນັ້ນພວກເພິ່ນຈຶ່ງໄດ້ສັ່ງລາຄອບຄົວຂອງພວກເພິ່ນ ແລະ ປີນຂຶ້ນທ້າຍກວຽນ ເພື່ອເລີ່ມການເດີນທາງ.
ຫລັງຈາກການເດີນທາງຂ້າມມະຫາສະໝຸດເປັນເວລາດົນນານ, ຮີເບີ ແລະ ບຣິກຳໄດ້ມາຮອດອັງກິດ. ພ້ອມດ້ວຍອັກຄະສາວົກຄົນອື່ນໆ, ພວກເພິ່ນໄດ້ສິດສອນພຣະກິດຕິຄຸນໃຫ້ກັບຫລາຍຄົນ. ຫລາຍພັນຄົນໄດ້ຮັບບັບຕິສະມາເຂົ້າໃນສາດສະໜາຈັກຂອງພຣະເຢຊູຄຣິດ. ພວກເຂົາຫລາຍຄົນໄດ້ລ່ອງເຮືອຂ້າມມະຫາສະໝຸດ ເພື່ອໄປຮ່ວມກັບໄພ່ພົນໃນສະຫະລັດ.
ພຣະຜູ້ເປັນເຈົ້າໄດ້ຮັກສາຄຳສັນຍາຂອງພຣະອົງ ວ່າຈະດູແລຄອບຄົວຂອງຮີເບີ ແລະ ບຣິກຳ ໃນຂະນະທີ່ພວກເພິ່ນກຳລັງຮັບໃຊ້ພຣະອົງໃນຖານະຜູ້ສອນສາດສະໜາ.
ໜ້າລະບາຍສີ
ພຣະເຈົ້າໄດ້ສ້າງທຸກສິ່ງທີ່ມີຊີວິດຢູ່ເທິງແຜ່ນດິນໂລກ.
ພາບປະກອບ ໂດຍ ໂຄຣີ ເອັກເບີດ
ສິ່ງທີ່ມີຊີວິດທີ່ເຈົ້າມັກທີ່ສຸດແມ່ນຫຍັງ?
© 2025 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, July 2025. Laotian. 19639 331