Mwet Sap Kuhlwacnsap ke sie Misin nuh Great Britain

Leum el fahk nuh sel Joseph Smith elacn suhpwaclah kuhtuh sin Mwet Sap ah ke sie misin nuh Great Britain. Tuh arlac upac sin Mwet Sap ah in sislah sucu lalos ah, tuhsruhk Leum el olwelah in ahkinsewowoyaclos.

Heber C. Kimball ac muhtwacn kiacl, Vilate, sucu fuhsr se laltahl. Puhs selos tuh mas na upac.

Brigham Young el tuh mas na upac, ac sucu lal ah suhkahsruhp. Tuhsruhk muhtwacn kiacl Brigham, Mary Ann, fahk nuh sel, “Som ac ahkfalyelah misin lom an, ac Leum el fah ahkinsewowoyekom.”

Heber ac Brigham kweyak kuhtuh, tuhsruhk eltahl arulacna muhnahs. Eltahl luhngse luti ke wosasuc, ohinge eltahl wihlkacs lac nuh sin sucu laltahl ah ac sroacng nuh tok ke wackohn soko ac muhtwacwack fuhfahsryucsr lalos ah.

Tukun sie suhrak loelwes fin kof uh, Heber ac Brigham ai fin acn Great Britain. Weacng kuhtuh pac Mwet Sap, elos luti mwet pucspucs ke wosasuc. Tausin mwet pacptaislac nuhke Alu luhn Jisus Kraist. Puhs selos wema oak fin kof uh in tuh weacng Mwet Luhlahlfongi fin acn United States.

Leum el liacacng olwelah Lal in karihngihn sucu lal Heber ac Brigham ke,pacl se eltahl Kuhlwacnsuhpacl ekihn misineri.

Sra Puk in Sroal

God El Oraclah Ma Moul Nuhkwewa Fin Facluh

Ahkuhtweyucki sel Corey Egbert

Meac ma moul se kom luhngse emet uh?