Agserbi dagiti Apostol iti Mision idiay Great Britain

Imbaga ti Apo ken ni Joseph Smith nga ibaonna ti sumagmamano kadagiti Apostol iti maysa a mision idiay Great Britain. Narigat para kadagiti Apostol a panawan dagiti pamiliada, ngem inkari ti Apo a bendisionanna ida.

Da Heber C. Kimball ken ti asawana a ni Vilate,addaanda iti ubing pay a pamilia. Adu kadakuada ti masakit unay.

Masakit met ni Brigham Young, ken napanglaw ti pamiliana. Ngem ti asawa ni Brigham, ni Mary Ann, imbagana kenkuana, “Inka ket tungpalem ti misionmo, ket bendisionannakanto ti Apo.”

Naimbagen da Heber ken Brigham, ngem nakapuyda unay. Kayatda nga ikasaba ti ebanghelio, isu a nagpakadada kadagiti pamiliada ket simrekda iti likudan ti karison tapno rugianda ti panagdaliasatda.

Kalpasan ti napaut a panagbiaheda iti ballasiw ti taaw, simmangpet da Heber ken Brigham idiay Great Britain. Kaduada ti dadduma pay nga Apostol, insuroda ti ebanghelio iti adu a tattao. Rinibu a tattao ti nabuniagan iti Simbaan ni Jesucristo. Adu kadakuada ti bimmallasiw iti taaw tapno makikadua kadagiti Santo iti Estados Unidos.

Tinungpal ti Apo ti karina a mangaywan kadagiti pamilia da Heber ken Brigham bayat ti panagserbida Kenkuana kas misionario.

Panid ti Panagkolor

Pinarsua ti Dios ti Tunggal Parsua iti Daga

Panangiladawan ni Corey Egbert

Ania ti paggugustom a pinarsua?