Nagserbisyo ang mga Apostoles sa Misyon sa Gran Britanya

Ginsugo sang Ginuo si Joseph Smith nga ipadala ang pila ka Apostoles sa misyon sa Gran Britanya. Nabudlayan ang mga Apostoles nga bayaan ang ila mga pamilya, pero nagpromisa ang Ginuo nga bugayan sila.

Si Heber Kimball kag ang iya asawa nga si Vilate, may lamharon pa nga pamilya. Madamo sa ila nagamasakit sing grabe.

Nagamasakit man si Brigham Young, kag pigado ang iya pamilya. Pero siling sang asawa ni Brigham nga si Mary Ann, “Lakat ka kag tumana ang imo misyon, kag bugayan ka sang Ginuo.”

Nag-ayo sila ni Heber kag Brigham, pero maluya pa sila kaayo. Gusto nila nga magwali sang ebanghelyo, gani nagpaalam sila sa ila mga pamilya kag nagsakay sa likod sang karosa para magsugod sa ila pagpanglakaton.

Pagkatapos sang malawig nga biyahe patabok sa dagat, nag-abot si Heber kag Brigham sa Gran Britanya. Upod sa iban pa nga Apostoles, gintudloan nila ang madamo nga tawo sang ebanghelyo. Linibo ka tawo ang ginbunyagan para mangin miyembro sang Simbahan ni Jesucristo. Madamo sa ila ang nagbiyahe patabok sa dagat para mag-upod sa mga Santos sa Estados Unidos.

Gintuman sang Ginuo ang Iya promisa nga atipanon ang mga pamilya ni Heber kag Brigham samtang nagaserbisyo sila sa Iya bilang mga misyonero.

Ginakoloran nga Pahina

Gintuga sang Dios ang Tagsa ka Tinuga sa Duta

Drowing ni Corey Egbert

Ano ang paborito mo nga tinuga?