Asomafo No Som Asɛmpakã Dwuma wɔ Great Britain

Ewuradze kãa kyerɛ Joseph Smith dɛ ɔnsoma Asomafo no bi ma wɔnkɔ asɛmpakã wɔ Great Britain. Nna ɔyɛ dzen ma Asomafo no dɛ wobegya hɔn ebusua ebusua hɔ, naaso Ewuradze bɔɔ hɔn anohoba dɛ obehyira hɔn.

Nna Heber C. Kimball na ne yer, Vilate wɔ ebusua kumabaa. Nna hɔn mu dodow yar.

Nna Brigham Young so yar, na n’ebusua yɛ abɔbɔfo. Mbom Brigham ne yer, Mary Ann, kãa kyerɛɛ no dɛ, “Kɔ na kɛyɛ w’edwuma, na Ewuradze behyira wo.’’

Heber na Brigham tsee apɔw, naaso nna wonnyi ahoɔdzen koraa. Nna wɔpɛ dɛ wɔkã asɛmpa no, ntsi wɔnye hɔn ebusua ebusua dzii nkra na wɔfoow ntaabow hɛn n’ekyir dze hyɛɛ hɔn akwantu n’ase.

Wotwaa epo kwan tsentsen ekyir no, Heber na Brigham kodur Great Britain. Asomafo binom kã ho no wɔdze asɛmpa no kyerɛkyerɛɛ nkorɔfo pii. Nkorɔfo mpempem na wonumaa hɔn hyɛɛ Jesus Christ N’Asɔr mu. Hɔn mu dodow na wotwaa epo no kɛkaa Ahotseweefo no ho wɔ United States.

Ewuradze siee N’anohoba dɛ ɔbɔhwɛ Heber na Brigham hɔn ebusua ebusua ber a nna wɔrosom No dɛ asɛmpasomafo.

Krataafa a Wɔkekã mu

Nyankopɔn Bɔɔ Abɔdze Biara wɔ Asaase do

Corey Egbert yɛɛ nsaano mfonyin no

Ebɛn abɔdze na epɛ no papaapa?