Mme Apostle Eka Utom Ukwɔrɔ-ikɔ Abasi ke Great Britain

Abasi ama ɔdɔhɔ Joseph Smith ete ɔdɔŋ ndusuk mme Apostle eka utom ukwɔrɔ-ikɔ Abasi ke Great Britain. Ekedi ɔkpɔsɔŋ ŋkpɔ ɔnɔ mme Apostle ndikpɔŋ mme ufɔkemana mmɔ, edi Abasi ama ɔŋwɔŋɔ ndidiɔŋ mmɔ.

Heber C. Kimbll ye ŋwan esie, Vilate, ekenyene nsek ufɔkemana. Ediwak mmɔ ema enehede edɔŋɔ.

Brigham Young ŋko okodu ke udɔŋɔ, ufɔkemana esie ŋko ekedi ubuene. Edi ŋwan Brigham Young, Mary Ann, ɔkɔdɔhɔ enye ete, “Ka kenam utom ukwɔrɔ-ikɔ Abasi fo, ndien Abasi eyediɔŋ fi.”

Udɔŋɔ Heber Ye Brigham ama ɔtɔŋɔ ndikure, edi mmɔ ema enehede ekop mmem-idem. Mmɔ ekeyom ndikwɔrɔ ikɔ Abasi, ke ntre mmɔ ema ekɔm ufɔkemana mmɔ unyɔŋ enyuŋ eduk etie ke edem ukpat-ŋkpɔ man etɔŋɔ isaŋ mmɔ.

Ke ema ekenam anyan isaŋ ebe akpa-inyaŋ-ibom, Heber ye Brigham ema ekesim Great Britain. Ye mme Apostle eken, mmɔ ema ekpep ediwak owo ikɔ Abasi. Ediwak ibat tɔsin owo ema eduɔk mmɔŋ eduk Ufɔk Abasi Jesus Christ. Ediwak mmɔ ema enam isaŋ ebe akpa-inyaŋ-ibom edisobo ye Ndisana Owo ke United States.

Abasi ama anam enwɔŋɔ Esie ndikama ufɔkemana Heber ye Brigham kini mmɔ enmade utom enɔ Enye nte mme ɔkwɔrɔ-ikɔ Abasi.

Ikpa-ŋwed emi Edebide

Abasi Okobot Kpukpru Oduwem Ŋkpɔ ke Isɔŋ

Edinam-aŋwaŋa otode Corey Egbert

Ewe edi edima oduwem ŋkpɔ fo?