Ekkewe Aposel ra Anganga eu Misin ngeni Great Britain

Ewe Samon a ureni Joseph Smith epwe tinano ekkoch ekkewe Aposel won eu misin ngeni Great Britain. A men weires ren ekkewe Aposel ar repwe nikiti ar kewe famini, nge ewe Samon a pwonei pwe epwe efeiochur.

Heber C. Kimball me punuwan we, Vilate, a kukkun ar famini. Chommong me neir ra fokkun semwen.

Brigham Young a pwan semwen, me an famini mi woungaw. Nge punuwan Brigham we, Mary Ann, a ereni, “Feino me apwonueta om misin, me ewe Samon epwe efeiochuk.”

Heber me Brigham ra chikar, nge ir mi fokkun apwangapwang. Ra mochen afanafana ewe kapas allim, iwe ra apasa ar kapong feino ngeni ar famini me tota mwirin efeoch wakon ar repwe poputani ar sai.

Mwirin eu nakatamen sai epek ewe sat, Heber me Brigham ra tori Great Britain. Fiti ekkoch Aposel, ra aiti chommong aramas ewe kapas allim. Ngoroun aramas ra papataisinong non ewe Mwichefenin Jises Kraist. Chommong me neir ra saino epekin ewe sat ar repwe choni ekkewe Souneng non Merika.

Ewe Samon a apwoueta An pwon pwe epwe tumunu an Heber me Brigham famini nupwen ra angang ngeni I usun misineri.

Peichen Enuwa

Kot a Forata Meinisin Monun Fonufan

Sassing seni Corey Egbert

Met man ka wesen sani?