Fare Temple u Kirtland nikan Toey

Somoel e ke yoeg ngak Joseph Smith nike taw ko ngiyal’ riy ni ngan toey e temple nga Kirtland, Ohio, USA. Ra mang bangi ban’en nib thothup nra mang tigil’ e gin nira yib Somoel ngabi guy fapi gidii’ Rok’ ni gin nira ngongliy fapi michmicheg ngoraed.

Fapi gidii’ rok’ Got nra tabab gaed i toey fare temple. Ba tolang pilwon ma rib alamrin e muruwel riy. Machane ri yaed falfalaen’ ngay ni ngar thapeged fapi tawa’ath rok’ Somoel.

Napan nibe muruwel fapi Saint ni yaed be fal’ag fare temple, me m’ay e salpiy roraed. Mi yaed meybil ngak Got ko ayuw.

Reb e bpin ni fithingan i Carolina Tippets nge tabinaew rok’ ni kar ayuweged e salpiy ni bo’or. Ra ayuweged fare Galasia ko salpiy nifan fare temple ni ngan toey.

Fapi Saint era muruwel gaed ni rib gel. Boech i yaed e be yean u wagon nib sug ko malang. Ma boech e be ngongliy e maad nge ggan nifan ko fapi gidii’ nibe muruwel.

Bitir nibe fengfeng e malor nike pilpil ni ngan bilbilig min tay ko rungrung ko temple ni ngeyag ni mat’ ra’en napan ni bayi mat’ rama’en e yal’ ngay.

Dani n’uw napan ngay min mu’nag fare temple! Fapi Saint e kari falfalaen’raed ngay ni ngar ranod ngalan e nu’un rok’ Somoel ngar thapeged fapi tawa’ath nike michmicheg ngoraed.

Babyor ni Yima Achay Yaʼan

Somoel e Manang ko Gag Mini’ ma Gub Tu’uf Rok’

Murwel rok’ Corey Egbert

Mu yoeloy ya’an owchem ngalan fare oval. Uw rogon ni gamanang ni Yesus Kristus e gab tu’uf rok’?