Patu i te hiero nō Kirtland

’Ua parau te Fatu ia Iosepha Semita ē ’ua tae i te taime nō te patu i te hō’ē hiero i Kirtland (Ohio, Marite). E vāhi ta’a ’ē i reira te Fatu e haere ai e fārerei i tōna mau ta’ata ’e e hōro’a ai i te parau fafau ia rātou.

’Ua ha’amata te feiā mo’a i te patu i te hiero. E mea moni rahi roa te reira ’e e mea rave rahi te ’ohipa. ’Ua ’oa’oa rā rātou i te mea ē e fa’ari’i rātou i te mau ha’amaita’ira’a a te Fatu.

’A ’ohipa ai te feiā mo’a i ni’a i te hiero, ’ua ha’amata rātou i te ’ere i te moni. ’Ua pure rātou i te Atua ’ia tauturu mai ia rātou.

’Ua ha’aputu te hō’ē vahine ’o Caroline Tippets te i’oa ’e tōna ’utuāfare i te moni e rave rahi. ’Ua vaiiho rātou i te ’Ēkālesia ’ia tārahu i te moni nō te tauturu i te patura’a o te hiero.

’Ua rave itoito te Feiā Mo’a i te ’ohipa. ’Ua fa’ahoro vetahi i te mau pere’o’o tei ’ī i te ’ōfa’i. ’Ua hāmani vetahi i te ’ahu ’e te mā’a nā te mau rave ’ohipa.

’Ua ha’aputu te mau tamari’i i te mau hi’o pāpararī nō te fa’ahu’ahu’a ’e nō te tāpiri i ni’a i te mau papa’i o te hiero ’ia ’ana’ana te reira i ni’a i te mahana.

’Aita i maoro roa ’ua oti te hiero ! ’Ua ’oa’oa te Feiā Mo’a ’ia haere i roto i te fare o te Fatu nō te fa’ari’i i te mau ha’amaita’ira’a tāna i parau fafau ia rātou.

ʼApi fa’a’ūraʼa

’Ua ’ite te Fatu ’o vai au ’e ’ua here ’oia iā’u

Fa’ahōho’ara’a nā Corey Egbert

Pāpa’i i tō ’oe hōho’a mata i roto i te pōta’a. Nāhea ’oe i te ’ite ē ’ua here Iesu Mesia ia ’oe ?