Kuvaka Temberi yeKirtland

Ishe vakaudza Joseph Smith kuti yakanga yava nguva yekuvaka temberi muKirtland, Ohio, USA. Yaizova nzvimbo yakakosha iyo Ishe yavaizoshanyira vanhu Vavo uye nokuita vimbiso navo.

Vatendi vakatanga kuvaka temberi. Yakatora mari yakawanda uye basa rakawanda. Asi vakafara kugamuchira maropafadzo aIshe.

Apo Vatendi pavaishanda patemberi, vakatanga kupererwa nemari. Vakanamatira rubatsiro kuna Mwari.

Mukadzi anonzi Caroline Tippets nemhuri yake vakanga vakachengetedza mari yakawanda. Vakabvuma kuti Chechi ikwerete mari kwavari kuitira kubatsira pakuvakwa kwetemberi.

Vatendi vakashanda nesimba. Vamwe vaityaira ngoro dzakazara nematombo. Vamwe vaigadzira hembe nezvokudya zvevashandi.

Vana vainhonga zvimedu zvemagirazi akapwanyika kuti zvigokuyiwa nokunamira pamadziro etemberi kuti agopenya muzuva.

Munguva pfupi temberi yakapedzwa kuvakwa! Vatendi vakafara kupinda muimba yaIshe kuti vagamuchire maropafadzo aVakanga vavavimbisa.

Peji Yekuisa Ruvara

Ishe Vanoziva Kuti Ndiri Ani uye Vanondida

Mufananidzo naCorey Egbert

Dhirowa chiso chako mudenderedzwa. Unoziva sei kuti Jesu Kristu anokuda?