Koukoudahn Tehnpas Sarawi en Kirtland

Kauno masanihong Sosep Smith me e lelehr ansou en kauwada tenpas sarawi nan Kirtland, Ohio, USA. E pahn wia wasa kesempwal ehu me Kauno pahn kin ketla ie pwe en kin pwarek Sapwellime aramas akan oh wiahda inou ong irail.

Souleng kan tepda kauwada tehnpaso. Lapalahn mwohni me re doadoahngki oh e pil wia doadoahk laud. Ahpw irail pereniki arail pahn ale kapai kan sang rehn Kauno.

Ni ansou me souleng kan wihwia tehnpaso, tepier sohla mwohni. Re peki Koht en ketin seweseirail.

Lih emen me adaniki Caroline Tippets oh ah peneinei nekidala lapalahn mwohni. Re mweidehng Mwomwohdiso en ale mwohni rerail pwe en sewese kauwada tehnpaso.

Souleng kan doadoahk laud. Ekei kin tangahki kurumahkan me direki takai. Ekei kin wiahda likou oh mwenge ong tohn doadoahk kan.

Serih kan kin rikada diperen klahs kan pwe irail pahn kin kapasahieng ni dihd en tehnpas pwe en kin wie piripir nan lingen ketipino.

Tehnpaso mwadangete nekila. Souleng kan pereniki kohla nan tehnpas en Kauno pwe irail en alehdi kapai kan me E ketin inoukiong irail.

Tehn Pwuhk en koalor

Kauno mwangih ihs ngehi oh poakong ie.

Mahlen sang Corey Egbert

Maleniada mesemwen nan pwonopwon en. Ia mwomwen ahmw ese me Sises Krais poakohng uhk.