Fanorenana ny Tempolin’i Kirtland

Nilaza tamin’Joseph Smith ny Tompo fa tonga ny fotoana hanorenana tempoly tao Kirtland, Ohio, Etazonia. Ho toerana miavaka izay hamangian’ny Tompo ny vahoakany sy hanaovana fampanantenana amin’izy ireo izany.

Nanomboka nanorina ny tempoly ireo Olomasina. Nandany vola be izany ary nitaky asa be dia be. Kanefa faly ery izy ireo ny handray ireo fitahian’ny Tompo.

Rehefa niasa nanorina ny tempoly ny Olomasina, dia nanomboka tsy nanam-bola izy ireo. Nivavaka izy ireo mba hangataka fanampiana tamin’ Andriamanitra.

Nahangona vola be dia be ny vehivavy iray nantsoina hoe Caroline Tippets sy ny fianakaviany. Navelan’izy ireo nindram-bola ny Fiangonana mba hanampiana tamin’ny fanorenana ny tempoly.

Niasa mafy ny Olomasina. Ny sasany dia nitondra sarety feno vato. Ny hafa kosa dia nanjaitra akanjo sy nahandro sakafo ho an’ireo mpiasa.

Nanangona ireo sombim-pitaratra vaky ny ankizy mba hanorotoroana sy hametahana izany teo amin’ny rindrin’ny tempoly mba hamiratan’ireo vakim-pitaratra rehefa taratry ny masoandro.

Vetivety dia vita ny tempoly! Nientanentana ny Olomasina ny hiditra tao amin’ny tranon’ny Tompo mba handray ireo fitahiana nampanantenainy azy ireo.

Pejy holokoina

Mahafantatra ahy ny Tompo ary tiany aho.

Sary nataon’i Corey Egbert

Ataovy sary ao anatin’ilay boribory lavalava ny tarehinao. Ahoana no ahafantaranao fa tia anao i Jesoa?