Kalōk Kirtland Tam̧ple

Irooj ekar jiron̄ Josep Smith bwe ekar iien n̄an kalōk juon tampeļ ilo Kirtland, Ohio, USA. Enaaj kar juon jikin ainjuon ijo Irooj enaaj loļo̧k armej ro An im kōm̧m̧ani kallim̧ur ko ippāer.

Rikwojarjar ro raar jino kalōk tampeļ eo. Ekar ļap wōņāān im kar bōk eļap jerbal. Bōtaab raar itok limo n̄an bōk kōjeraam̧m̧an ko an Irooj.

Ke Rikwojarjar ro raar jerbale tampeļ eo, ekar jino maat aer jāān. Rekar jar n̄an Anij kōn jipan̄.

Juon kōrā kar etan Caroline Tippets im baam̧ļe eo an raar kakoņ elōn̄ jāān ko. Raar kōtļo̧k an Kabun̄ in baroik jāān ko n̄an jipan̄ kalōk tampeļ eo.

Rikwojarjar ro raar buuļ jerbal. Jet raar kattōri waikōn ko robrak kōn dekā ko. Ro jet raar kōm̧m̧ani nuknuk ko im m̧ōn̄ā ko n̄an rijerbal ro.

Ajri ro raar ain m̧ōttan kūļaaj ko rerup n̄an katpidikdiki im likūti ilo dāpdep ko an tampeļ eo bwe rej erabōlbōl ilo meram in aļ.

Ejjab to tampeļ eo ekar dedeļo̧k! Rikwojarjar ro raar kijooror in etal n̄an lowaan m̧weo im̧ōn Irooj n̄an bōk kōjeraam̧m̧an ko E ekar kallim̧uri er.

Peij in Kōļar

Irooj Ejeļā Wōn N̄a im Ej Iakwe Eō

Kōmeļeļe jān Corey Egbert

Jin̄aik turin mejam̧ ilo oval eo. Ekōjkan am̧ jeļā Jisōs Kraist ej iakwe eok?