Panangbangon iti Templo iti Kirtland

Imbaga ti Apo ken ni Joseph Smith a panawenen tapno mangbangon iti templo idiay Kirtland, Ohio, USA. Agbalinto daytoy a maysa a naisangsangayan a lugar a pangsarungkaranto ti Apo kadagiti taona ken pagaramidanna kadagiti kari kadakuada.

Rinugian dagiti Santo ti mangbangon iti templo. Adu a kuarta ti magastos ket adu ti aramiden. Ngem nagagaranda a nangawat kadagiti bendision ti Apo.

Bayat ti panagtrabaho dagiti Santo iti templo, nangrugi a maibus ti kuartada. Nagkararagda iti Dios para iti tulong.

Adu a kuarta ti naurnong ti maysa a babai nga agnagan Caroline Tippets ken ti pamiliana. Impalubosda ti Simbaan nga umutang iti kuartada tapno makatulong a mangbangon iti templo.

Nagaget dagiti Santo. Sumagmamano ti nagmaneho kadagiti karison a napno iti bato. Nagaramid ti dadduma kadagiti kawes ken taraon para kadagiti trabahador.

Nagummong dagiti ubbing kadagiti pedaso ti naburak a sarming tapno ipagiling ken ikabilda kadagiti diding ti templo tapno agrimat dagitoy iti lawag ti init.

Iti nabiit nalpas ti Templo iti Kirtland! Naragsak dagiti Santo a sumrek iti balay ti Apo tapno umawatda kadagiti bendision nga inkarina kadakuada.

Panid ti Panagkolor

Ammo ti Apo No Asinoak ken Ay-ayatennak

Panangiladawan ni Corey Egbert

Idrowingmo ti rupam iti oval. Kasano nga ammom nga ay-ayatennaka ni Jesucristo?