Kev Ua lub Tuam Tsev Kirtland

Tus Tswv qhia Joseph Smith tias twb txog lub caij ua ib lub tuam tsev hauv Kirtland, Ohio, USA. Yuav yog ib qhov chaw tshwj xeeb uas tus Tswv yuav los xyuas Nws cov neeg thiab khi lus nrog lawv.

Cov Neeg Ntseeg tau pib ua lub tuam tsev. Twb siv nyiaj ntau ntau thiab siv sij hawm ua hauj lwm ntau. Tiam sis lawv zoo siab tos txais tus Tswv cov koob hmoov.

Thaum cov Neeg Ntseeg ua lub tuam tsev, lawv pib tsis muaj nyiaj txaus. Lawv thov Vajtswv kom Nws pab.

Ib tug poj niam hu ua Caroline Tippets thiab nws tsev neeg tau tseg nyiaj ntau. Lawv cia lub Koom Txoos qiv nyiaj ntawm lawv kom pab ua lub tuam tsev.

Cov Neeg Ntseeg siv zog ua hauj lwm. Ib txhia twb tsav tsheb uas nees cab thauj pob zeb los. Lwm tus tau ua khaub ncaws thiab ua mov rau cov neeg ua hauj lwm.

Cov me nyuam twb muab cov iav tawg coj los zom kom mos thiab muab tso rau ntawm lub tuam tsev phab ntsa kom tej phab ntsa ci thaum lub hnub tawm tuaj.

Tsis ntev ces lawv ua lub tuam tsev tiav lawm! Cov Neeg Ntseeg zoo siab mus hauv tus Tswv lub tsev kom txais cov koob hmoov uas Nws tau cog lus yuav muab rau lawv.

Phab Ntawv Tha Xim

Tus Tswv Paub Kuv Yog Leej Twg thiab Nws Hlub Kuv.

Daim duab los ntawm Corey Egbert

Kos duab txog ib lub ntsej muag. Yog li cas koj thiaj paub tias Yexus Khetos hlub koj?