Pagpatindog sang Templo sang Kirtland

Ginhambalan sang Ginuo si Joseph Smith nga oras na nga magpatindog sang templo sa Kirtland, Ohio, USA. Mangin espesyal ini nga lugar kon diin bisitahon sang Ginuo ang Iya katawhan kag maghimo sang mga promisa upod sa ila.

Nagsugod ang mga Santos sa pagpatindog sang templo. Dako ang kinahanglan sini nga kuwarta kag damo kaayo ang ulobrahon. Pero nalangkag sila nga mabaton ang mga bugay sang Ginuo.

Samtang ginaobra sang mga Santos ang templo, amat-amat nga naubos ang ila kuwarta. Nagpangamuyo sila sa Dios para sa bulig.

Isa ka babayi nga ang ngalan Caroline Tippets kag ang iya pamilya madamo sang sinuptan nga kuwarta. Ginpahulam nila ang Simbahan sang kuwarta para makabulig sa pagpatindog sang templo.

Nagtrabaho sing todo ang mga Santos. Ang iban nagdala sang mga karosa nga puno sang mga bato. Ang iban naghimo sang mga bayo kag pagkaon para sa mga nagaulobra.

Ginpanipon sang mga bata ang buka nga mga kristal para pudpuron kag ibutang sa mga dingding sang templo para mag-inggat sa silak sang adlaw.

Wala madugayi natapos ang templo! Nalangkag ang mga Santos nga magsulod sa balay sang Ginuo para magbaton sang mga bugay nga Iya ginpromisa sa ila.

Ginakoloran nga Pahina

Kilala Ako kag Palangga Ako sang Ginuo

Drowing ni Corey Egbert

Drowinga ang imo hitsura sa oval. Paano mo nahibal-an nga palangga ka ni Jesucristo?