Katean te Tembora i Kirtland

Te Uea e tuanga Iotebwa Timiti bwa aio te tai are e na katea te tembora i Kirtland, Ohio, USA. E na riki bwa te tabo ae onoti are e na kakawariia Ana aomata iai te Uea ao ni karaoi berita ma ngaiia.

A waaki Aika Itiaki ni katea te tembora. E rang bobuaka ao e kainnanoa te mwakuri ae mwaiti. Ma a ingainga ni karekei ana kakabwaia te Uea.

Ngke a mwakuri Aika Itiaki iaon te tembora, a bon bane aia mwane. A bubutiia te Atua ibukin buokaia.

Te aine ae arana Caroline Tippets ma ana utu a tia ni kawakina te mwane ae mwaiti. A angan te Ekaretia bwa e na tangoa aia mwane ni buoka katean te tembora.

Aika Itiaki a mwakuri korakora. Tabeman a katiki aenikaa aika a onrake n taian atiibu. Tabeman a karaoi kunnikai ao amwarake ibukiia taan mwakuri.

Ataei a rikorikoi kiraati ake a maibi bwa a na kamantaki ao ni katokaaki iaon oon te tembora bwa aonga n raneanea ao n takiakia n otan taai.

E tia te tembora n te tai ae waekoa! A rangi ni kukurei Aika Itiaki n nakon ana auti te Uea ni karekei kakabwaia ake E a tia ni berita iai nakoia.

Te Iteraniba ae na Karanaki

Te Uea E Kinaai man Tangirai

Kamataata n te Tamnei iroun Corey Egbert

Korea tamnein ubum n te mronron ae wai. Ko kanga n ataia bwa e tangiriko Iesu Kristo?