Tara na Valetabu e Katiladi

A kaya na Turaga vei Josefa Simici ni sa kena gauna me tara e dua na valetabu mai Katiladi, Oaio, Amerika. Oqo e dua na vanua digitaki me na sikovi ira kina na Nona tamata na Turaga ka yalayala vei ira.

Era sa tekivu tara na valetabu na Yalododonu. E sau levu na ilavo ka taura e levu na cakacaka. Ia era amarautaka mera ciqoma na veivakalougatataki ni Turaga.

Nira cakacakataka tiko na valetabu na Yalododonu, sa tekivu me lailai koso na nodra ilavo. Era kerea na veivuke ni Kalou.

Eratou sa maroroya tu e levu na ilavo e dua na marama na yacana o Caroline Tippets kei na nona matavuvale. Eratou vakadonuya kina Lotu me kerea na ilavo me vukea na tara ni valetabu.

Era cakacaka vakaukauwa na Yalododonu. Eso era draivataka na qiqidreti ka sinai tu ena vatu. Eso tale era caka isulu kei na kakana vei ira na tamata cakacaka.

Era kumuna na gone na tiki ni iloilo kavoro mera qaqi ka vakabira ena lalaga ni valetabu mera tatibi ena rarama ni matanisiga.

Sega ni dede sa oti na valetabu! Era nanamaki na Yalododonu mera lako kina vale ni Turaga mera ciqoma na veivakalougatataki a yalataka vei ira o Koya.

Draunipepa ni Rokarokataki

E Kilai Au ka Lomani Au na Turaga.

Droini mai vei Corey Egbert

Droinitaka na matamu ena loma ni wirini. O kila vakacava ni lomani iko tiko o Jisu Karisito?