Oueta ewe Kirtland Tempel

Ewe Samon a ureni Joseph Smith pwe iwe ewe fansoun epwene kouta ew tempel non Kirtland, Ohio, USA. Epwe ew neni mi auchea ikewe ewe Samon epwe churi Noun aramas me fori kewe pwon ngenir.

Ekkewe Souneng ra oueta ewe tempel. A watte niwinin me wawtte angang. Nge ra fokkun meseik ar ra angei An ewe Samon kewe feioch.

Nupwen kewe Souneng ra angang won ewe tempel, ra poputa ne iteno nour mwoni. Ra iotek ngeni Kot ren aninis.

Emon fefin itan Caroline Tippets me an famini ra seifini watten moni. Ra mut ngeni ewe Mwichefen epwe paro moni an epwe anisi koutan ewe tempel.

Ekkewe Souneng ra angang weires. Ekkoch ra uwei kewe woken mi ur ren fau. Ekkoch ra fori uf me mongo fan iten kewe chon angang.

Semirit ra ioni pipin mokun kinas ar repwe omokukisiretiw me wata won ewe etipen ewe temepel pwe repwe monuponup non ewe tinen akkar.

Ewe tempel a mwitir ne wesino! Ekkewe Souneng ra atapwanapwana ar repwe tonog non ewe imwen ewe Samon ar repwe angei ekkewe feioch I a pwon ngenir.

Peichen Enuwa

Ewe Samon a Sinei Ngang Ion me A tongeei

Sassing seni Corey Egbert

Chungani mesom non ewe napen sokun. Ifa ussun om sinei pwe Jises Kraist a tongek?