Stap Bildim Ketlan Tempol

Lod i talem long Josef Smit se, i taem nao blong bildim wan tempol long Ketlan, Ohaeo,YSA. Bae hem i wan spesel ples we long ples ia, Lod bae visitim ol pipol blong Hem mo mekem ol promes wetem olgeta.

Ol Sent oli stat blong bildim tempol. Hemia i nidim plante mane mo i i bin tekem plante wok blong mekem. Be, olgeta oli glad tumas blong kasem ol blesing blong Lod.

Taem ol Sent oli stap wok long tempol, oli stat blong nomo gat inaf mane. Oli prea long God from help.

Wan woman nem blong Caroline Tippets mo famli blong hem oli bin sevem fulap mane. Oli letem Jos blong boro mane long olgeta blong help blong bildim tempol.

Ol Sent oli wokhad. Sam oli draevem ol wagun we i fulap long ston. Ol narawan oli mekem ol klos mo kaekae blong ol wokman.

Ol pikinini oli stap pikimap ol pis blong klas we oli brokbrok blong mekem i kam smolsmol mo putum long ol wol blong tempol blong oli stap saen long sanlaet.

!I no longtaem tempol i finis! Ol Sent oli glad tumas blong go insaed long haos blong Lod blong kasem ol blesing we Hem i promesem long olgeta.

Pej blong Kala

Lod I Save Huia Mi mo I Lavem Mi.

Pikja droing i kam long Corey Egbert

Droem fes blong yu long sekol ia. ?Olsem wanem nao yu save se Jisas Kraes i lavem yu?