Ndërtimi i Tempullit të Kirtlandit

Zoti i tha Jozef Smithit se ishte koha për të ndërtuar një tempull në Kirtland të Ohajos në SHBA. Ai do të ishte një vend i posaçëm ku Zoti do të vizitonte popullin e Tij dhe do t’i bënte premtime.

Shenjtorët filluan ta ndërtonin tempullin. Kushtoi shumë para dhe u desh shumë punë. Por ata ishin plot gëzim për të marrë bekimet e Zotit.

Kur shenjtorët punonin në tempull, atyre filluan t’u mbaronin paratë. Ata iu lutën Perëndisë për ndihmë.

Një grua, e quajtur Karolina Tipets, dhe familja e saj kishin kursyer shumë para. Ata e lejuan Kishën që t’i merrte borxh paratë për të ndihmuar që të ndërtohej tempulli.

Shenjtorët punuan fort. Disa ngitnin karroca plot me gurë. Të tjerët bënin veshje dhe ushqime për punëtorët.

Fëmijët mblidhnin copa xhamash të thyer për t’i thërrmuar dhe për t’i vendosur në muret e tempullit që të shkëlqenin nga rrezet e diellit.

Shpejt tempulli përfundoi! Shenjtorët u gëzuan shumë që do të hynin brenda shtëpisë së Zotit për të marrë bekimet që Ai ua kishte premtuar atyre.

Faqe për Ngjyrosje

Zoti e Di se Kush Jam dhe më Do

Ilustrimi nga Corey Egbert

Vizatoje fytyrën tënde brenda formës vezake. Si e di që Jezu Krishti të do?