Die Bou van die Kirtland-tempel

Die Here het vir Joseph Smith gesê dat dit tyd is om ʼn tempel in Kirtland, Ohio, VSA te bou. Dit sou ʼn spesiale plek wees waar die Here sy mense sou besoek en beloftes met hulle sou maak.

Die Heiliges het begin om die tempel te bou. Dit het baie geld gekos en baie werk geneem. Maar hulle was opgewonde om die Here se seëninge te ontvang.

Terwyl die Heiliges aan die tempel gewerk het, het hulle geld begin opraak. Hulle het tot God gebid om hulp.

ʼn Vrou met die naam Caroline Tippets en haar gesin het baie geld gespaar. Hulle het die Kerk geld laat leen om die tempel te help bou.

Die Heiliges het hard gewerk. Sommige het waens vol klippe aangery. Ander het klere en kos vir die werkers gemaak.

Kinders het stukke gebreekte glas versamel om te maal en op die mure van die tempel te sit sodat dit in die sonlig geskitter het.

Die tempel was vinnig klaar! Die Heiliges was opgewonde om in die huis van die Here in te gaan om die seëninge wat Hy hulle belowe het, te ontvang.

Inkleurbladsy

Die Here Weet Wie Ek Is en Het My Lief

Illustrasie deur Corey Egbert

Teken jou gesig in die ovaal. Hoe weet jy dat Jesus Christus jou liefhet?