Lucy ni Ptaag Mornga’agen e Tin nib Riyul’

Buchi bpin nib fel’yangren nibe bing e mab ngak bu’ulung i mo’on ma bay reb e bpin nibe par u ggin ni yima wupmad ngay.

Reb e rran, nibe pii’ Lucy Morley ni 15 e duw-rok’ e ayuw ngak e buguliyiror rok’, i Abigail Daniels, ni yow be yip’ e maad. Napan ni yow be muruwel, me yib dalip i tamachib ngar tutuguyed e maab. Mar roged ni Yesus Kristus e ke l’oegraed ni ngar weliyed ba mulwol.

Fare bpin nibay ko ggin ni yima wupmad riy e kirebnag owchen napan nibe non fapi mo’on ngak fachi buliyol.

Fapi mo’on e roged ngak Abigail nge Lucy nike pinning Yesus i Joseph Smith ni nge mang e profet. Makur roged ngorow mornga’agen fare Babyor ku Mormon.

Fare bpin nike dumomuw me tuluf fapi mo’on ngar chuwgaed ulan e tabinaew rok’.

Ke gin owchen Lucy ngay, napan ni tabab Abigail ko dumomuw. Chuweg fapi tamachib ulan e tabinaew rok’.

Fapi mo’on nra sapgaed nga tomur nibe mil fachi bpin i yib ngoraed.

Lucy e ke nang ni fapi tamachib e bugi tapigpig nike yib rok’ Got. Me yeog ngoraed ningar ranod ko tabinaew rok’ nibay nga pen’ing.

Fapi mo’on ni yaed bay ko tebel ko abich ko fachi bpin nge tabinaew rok’.

Fapi tamachib nranod ko tabinaew rok’ Morley. Galabthir rok’ Lucy era pinninged fapi tamachib ni ngar machib nigaed ngoraed nge ngak boech e pi tafagar roraed.

Buchi bpin nibe tay e mad ko tawol nga dakean poen reb e bpin ma bay be’ nibe tawfe ulan e luul’ u tomur riy.

Re nep nem, gonapan 17 e gidii’ nin tawfe nag. In e rran ngay, 50 e gidii’ ni yib nge motoyil ngak fapi tamachib min tawfe nagraed. Kumus ku Abigail ni buguliyiror rok’ Lucy e thilyeg e tafney rok’. Ir nge figirngin, nib mu’un Lucy nge gidii’en gathon e tabinaew rok’, ere mel’egned ni ngar laked wo’en Yesus Kristus u dakean wo’en e tawfe.

© 2025 ko Intellectual Reserve, Inc. Gubin nibay mat’won. Kan yoloey u USA. Kan micheg nag ko thin nu Ngalis: 6/19. Micheg i pilyeg: 6/19. Piliyeg ko Mulwol ko biney e Pul nifan ngak e Pi Tafagar ko, April 2025.Yapese19283 905