ULucy Ufumana Inyaniso

Intombazana eselula ivula ucango ukuze kungene iqela lamadoda ngoxa ibhinqa lihleli kwindawo yokuluka

Ngenye imini, uLucy Morley oneminyaka eli-15 ubudala wayenceda ummelwane wakhe, u-Abigail Daniels, uluka amalaphu. Njengoko babesebenza, abafundisi bevangeli bankqonkqoza emnyango. Bathi babethunywe nguYesu Krestu ukuba babelane ngomyalezo.

Umfazi kwindawo yokuluka uyafinga iintshiya ngelixa amadoda ethetha nentombazana encinane

Amadoda axelela u-Abigail noLucy ukuba uYesu wabiza uJoseph Smith ukuba abe ngumprofeti. Kananjalo babaxelela ngeNcwadi kaMormoni.

Umfazi onomsindo egxotha amadoda endlwini yakhe

Okwamothusayo uLucy, kukuba u-Abigail waba nomsindo. Yena wenza ukuba abafundisi bevangeli bahambe.

Amadoda ajonga ngasemva ngelixa intombazana ibaleka iwalandela

ULucy wayesazi ukuba abafundisi bevangeli ngabakhonzi bakaThixo. Wabaxelela ukuba batyelele usapho lwakhe ezantsi kwendlela.

Amadodo etafileni nentombazana nosapho lwayo

Abafundisi bevangeli baya kwikhaya likaLucy. Abazali bakaLucy bamema abafundisi bevangeli ukuba babafundise nabahlobo babo.

Intombazana ibeka itawuli emagxeni omfazi ngelixa omnye umntu ebhaptizwa emlanjeni ngasemva

Ngobo busuku, kwaphaptizwa abantu abali-17. Kwintsuku ezimbalwa ezilandelayo, abantu abangakumbi abangama-50 beva abafundisi bevangeli baza babhaptizwa. Kwanommelwane kaLucy u-Abigail watshintsha ingqondo yakhe. Yena nomyeni wakhe, uLucy namalungu osapho lwakhe, bakhetha ukulandela uYesu Krestu ngokubhaptizwa.