’Ua ’itehia ia Lucy te parau mau

E tamāhine e ’īriti ra i te ’ōpani nō te vaiiho i te hō’ē pupu tāne ’ia tomo i roto ’a pārahi ai te hō’ē vahine i te hō’ē vāhi nirara’a

I te hō’ē mahana, tē tauturu ra ’o Lucy Morley, 15 matahiti, i te vahi i pīha’i iho i tō rātou fare, ia Abigail Daniels, i te ’ohipa ha’une. ’A ’ohipa ai rāua, ’ua pātōtō e toru misiōnare i te ’ūputa. ’Ua parau rātou ē, ’ua tono Iesu Mesia ia rātou nō te fa’a’ite i te hō’ē poro’i.

Te vahine e fa’atu’atu’a ra i tōna nā tu’e mata ’a paraparau ai te mau tāne i te hō’ē tamāhine

’Ua parau nā ta’ata ia Abigail ’e ia Lucy ē ’ua pi’i Iesu ia Iosepha Semita ’ia riro ’ei peropheta. ’Ua parau ato’a rātou ia rāua nō ni’a i te Buka a Moromona.

E vahine riri e a’ua’u ra i te mau ta’ata i rāpae i tōna fare

I te māere rahi o Lucy, ’ua riri atu ra ’o Abigail. ’Ua tīahi ’oia i te mau misiōnare.

Te mau ta’ata e hi’o ra i muri ’a horo ai te tamāhine nā muri ia rātou

’Ua ’ite ’o Lucy e mau tāvini te mau misiōnare nā te Atua. ’Ua parau ’oia ia rātou ’ia haere e fārerei i tōna ’utuāfare i raro mai i te purūmu.

Te mau tāne i te ’amura’a mā’a ’e te tamāhine ’e tōna ’utuāfare

’Ua haere te mau misiōnare i te fare o Morley. ’Ua ani te mau metua o Lucy i te mau misiōnare ’ia ha’api’i ia rātou ’e i tō rātou mau hoa.

Tamāhine e tu’u ra i te tauera i ni’a i te tapono o te vahine ’a bāpetizohia ai te tahi atu ta’ata i roto i te hō’ē ’ānāvai i muri mai

I taua pō ra, 17 ta’ata tei bāpetizohia. I te mau mahana i muri mai, e 50 atu ā ta’ata tei fa’aro’o i te mau misiōnare ’e ’ua bāpetizohia. ’Ua taui ato’a te hoa o Lucy, ’o Abigail, i tōna mana’o. ’Ua mā’iti ’oia ’e tāna tāne fa’aipoipo ’e ’o Lucy ’e te mau melo o tōna ’utuāfare, ’ia pe’e ia Iesu Mesia nā roto i te bāpetizora’a.

© 2025 nā Intellectual Reserve, Inc. Fatura’a pāruruhia. Nene’ihia i te Fenua Marite. Parau fa’ati’a nō te reo Peretāne : 6/19. Parau fa’ati’a nō te ’īritira’a : 6/19. ’Īritira’a nō Monthly Friend Message, April 2025. Tahitian. 19631 895