Lucy o Fumana ’Nete

Ngoanana e monyenyane o bula lemati hore sehlopha sa banna se kene ha mosali a ntse a lutse holim’a mochini o lohang<b>.</b>

Ka letsatsi le leng, Lucy Morley ea lilemo li 15 o ne a thusa mohaisane oa hae, Abigail Daniels, ho loha masela. Ha ba ntse ba sebetsa, barumuoa ba boruti lichabeng ba bararo ba ile ba kokota monyako. Ba ile ba bolela hore Jesu Kreste o ne a ba rometse ho arolelana molaetsa.

Mosali ea mochining o lohang o sosobanya sefahleho ha banna ba ntse ba bua le ngoanana

Banna bao ba ile ba bolella Abigaile le Lucy hore Jesu o bitsitse Joseph Smith hore e be moporofeta. Ba boetse ba ba bolella ka Buka ea Mormone

Mosali ea halefileng ea lelekang banna lapeng la hae

Lucy o ile a makala ha Abigaile a halefa. O ile a etsa barumuoa ba boruti lichabeng hore ba tsamaee.

Banna ba hetla morao ha ngoanana a matha ka mor’a bona

Lucy o ne a tseba hore baromuoa ba boruti lichabeng ke bahlanka ba Molimo. O ile a ba bolella hore ba etele lelapa la hae ho theosa ka tsela.

Banna ba tafoleng ea lijo tsa mantsiboea le ngoanana le lelapa la hae

Baromuoa ba boruti lichabeng ba ile ba ea lapeng la Morley. Batsoali ba Lucy ba ile ba mema baromuoa ba boruti lichabeng hore ba ba rute le metsoalle ea bona.

Ngoanana le ho beha thaole mahetleng a mosali ha ka morao motho e mong a kolobetsoa nokeng

Bosiung boo, batho ba 17 ba ile ba kolobetsoa. Matsatsing a ’maloa a latelang, batho ba 50 hape ba ile ba utloa baromuoa ba boruti lichabeng ’me ba kolobetsoa. Esita le mohaisani oa Lucy, Abigail, o ile a fetola maikutlo Eena le monna oa hae, hammoho le Lucy le litho tsa lelapa labo, ba ile ba khetha ho latela Jesu Kreste ka ho kolobetsoa.

Sets′oants′o sa mela sa lebitla le se nang letho

© 2025 by Intellectual Reserve, Inc. All rights reserved. E hatisitsoe USA. Tumello ea Senyesemane: 6/19. Tumello ea Phetolelo: 6/19. Phetholelo ea Monthly Friend Message, April 2024.South Sotho19283 739