Nahita ny fahamarinana i Lucy

Indray andro, i Lucy Morley izay 15 taona dia nanampy ny mpifanolobodirindrina taminy, i Abigail Daniels, nanenona lamba. Rehefa niasa izy ireo dia nisy misiônera telo nandondona tao am-baravarana. Nilaza izy ireo fa naniraka azy ireo hizara hafatra iray i Jesoa Kristy.

Nilaza tamin’i Abigail sy i Lucy ireo lehilahy fa niantso an’i Joseph Smith ho mpaminany i Jesoa. Nampahafantatra azy ireo momba ny Bokin’i Môrmôna ihany koa izy ireo.

Tsy nampoizin’i Lucy fa tezitra i Abigail. Nasainy nandeha ireo misiônera.

Fantatr’i Lucy fa mpanompon’ Andriamanitra ireo misiônera ireo. Nasainy nitsidika ny fianakaviany izy ireo izay mipetraka ao aloha kely ao .

Nandeha tany an-tranon-dry Morley ireo misiônera. Nanasa ireo misiônera izy ireo mba hampianatra azy ireo sy ireo namany.

Tamin’io alina io dia olona 17 no natao batisa. Tao anatin’ny andro vitsivitsy manaraka dia olona 50 fanampiny no naheno ireo misiônera ary natao batisa. Na dia i Abigail mpifanolobodirindrina tamin’i Lucy aza dia miova hevitra. Nisafidy ny hanaraka an’i Jesoa Kristy izy sy ny vadiny niaraka tamin’i Lucy sy ireo olona tao amin’ny fianakaviany tamin’ny alalan’ny fanaovana batisa.

Pejy holokoina

Noho i Jesoa Kristy dia hitsangana amin’ny maty aho.

Sary nataon’i Corey Egbert

Ahoana no ahatsiarovanao an’i Jesoa mandritra ny vanim-potoan’ny Paska?