Lucy Ej Pukot M̧ool eo

Leddik eo edik ej kōpelļo̧k kōjām eo n̄an kadeļo̧n̄ juon kumi in em̧m̧aan ro ilo an juon kōrā jijōt ioon juon kein keke nuknuk eo.

Juon raan, Lucy Morley eo 15 iiō dettan ekar jipan̄ eo riturin, Abigail Daniels. Ke rekar jerbal, jilu mijinede ro raar kaļaļlaļ ilo kōjām eo. Raar ba bwe Jisōs Kraist ekar jilkinļo̧k er n̄an kwaļo̧k juon ennaan.

Kōrā eo ilo kein keke eo ekkar kajememe ilo an em̧m̧aan ro ekenono ippān leddik eo edik.

Em̧m̧aan ro raar jiron̄ Abigail im Lucy bwe Jisōs ekar kūr Josep Smith bwe en juon rikanaan. Raar barāinwōt jiron̄ er kōn Bok in Mormon.

Kōrā eo ellu ej kaduwōjļo̧k em̧m̧aan ro jān m̧weo im̧ōn.

Ilo an Lucy kar bwilōn̄, Abigail ekar jino illu. Liin ekar kōm̧m̧an bwe mijenede ro ren em̧m̧akūt.

Em̧m̧aan ro rej reilikļo̧k ilo an leddrik eo ettōr nabōjļo̧k iļļo̧kaerļo̧k.

Lucy ekar jeļā bwe mijenede rein raar rijerbal ro an Anij. Liin ekar jiron̄ er n̄an loļo̧k baam̧le eo an ejjab ettoļo̧k jān ijo.

Em̧m̧aan ro ilo tebōļ in m̧ōņā eo ippān leddik eo im baam̧le eo an.

Mijinede ro rekar etal n̄an m̧weo im̧ōn Morley ro. Ro jinen im jemān Lucy raar karuwaineneik mijenede ro n̄an katakin er im ro m̧ōttaer.

Leddik eo im an likūt to̧o̧l eo aeran kōrā eo ilo an bar juon peptaij ilo reba eo itulik.

Bon̄ōn eo, 17 armej ro raar peptaij. Ilo jejjo raan ko tok jet, bar 50 armej ro raar eo̧ron̄ mijinede ro im kar peptaij. Jekdo̧o̧n eo riturin Lucy Abigail ekar ukōt ļōmņak eo an. E im likao eo ippen, kobaļo̧k ippen Lucy im membōr in baamle eo an, kar kāālet n̄an ļoor Jisōs Kraist ilo aer peptaij.

© 2025 jān Intellectual Reserve, Inc. All righrs reserved. Buriin ilo USA. Kōmālim ilo kajin In̄lij: 6/19. Kōmālim ukook eo: 6/19. Ukok eo an Monthly Friend Message, April 2025.. Marshallese. 19631 874