ລູສີພົບເຫັນຄວາມຈິງ

ເດັກຍິງຄົນໜຶ່ງກຳລັງເປີດປະຕູໃຫ້ກັບຜູ້ຊາຍກຸ່ມໜຶ່ງເຂົ້າມາທາງໃນ ຂະນະທີ່ແມ່ຍິງຄົນໜຶ່ງກຳລັງນັ່ງຕ່ຳຫູກຢູ່

ມື້ໜຶ່ງ, ນາງລູສີ ມໍເລ ອາຍຸ 15 ປີກຳລັງຊ່ວຍອາບີແກວ ແດນໂຍ ເພື່ອນບ້ານຂອງນາງຕ່ຳຫູກ. ຂະນະທີ່ພວກນາງເຮັດວຽກຢູ່ນັ້ນ, ຜູ້ສອນສາດສະໜາສາມຄົນໄດ້ເຄາະປະຕູ. ເຂົາເຈົ້າເວົ້າວ່າພຣະເຢຊູຄຣິດໄດ້ສົ່ງເຂົາເຈົ້າມາເພື່ອແບ່ງປັນຂ່າວສານ.

ແມ່ຍິງຄົນນັ້ນເບະສົບໃສ່ໃນຂະນະທີ່ພວກຜູ້ຊາຍກຳລັງເວົ້າກັບເດັກຍິງຄົນນັ້ນ

ພວກຜູ້ຊາຍໄດ້ບອກອາບີແກວ ແລະ ລູສີວ່າ ພຣະເຢຊູໄດ້ເອີ້ນໂຈເຊັບ ສະມິດ ໃຫ້ເປັນສາດສະດາ. ເຂົາເຈົ້າກໍຍັງໄດ້ບອກພວກນາງກ່ຽວກັບພຣະຄຳພີມໍມອນນຳອີກ.

ແມ່ຍິງຄົນນັ້ນໃຈຮ້າຍຈຶ່ງໄລ່ພວກຜູ້ຊາຍອອກໄປຈາກບ້ານຂອງນາງ

ລູສີຕົກຕະລຶງ, ເມື່ອນາງອາບີແກວໃຈຮ້າຍ. ນາງໄດ້ບອກໃຫ້ຜູ້ສອນສາດສະໜາອອກໄປ.

ພວກຜູ້ຊາຍໄດ້ຫລຽວກັບຄືນໄປເບິ່ງໃນຂະນະທີ່ເດັກຍິງກຳລັງແລ່ນນຳພວກເຂົາ

ລູສີຮູ້ວ່າຜູ້ສອນສາດສະໜາເປັນຜູ້ຮັບໃຊ້ຂອງພຣະເຈົ້າ. ນາງໄດ້ບອກເຂົາເຈົ້າໃຫ້ໄປຢ້ຽມຢາມຄອບຄົວຂອງນາງທີ່ຢູ່ລຸ່ມຖະໜົນນັ້ນ.

ພວກຜູ້ຊາຍນັ່ງຢູ່ໂຕະກິນເຂົ້າກັບເດັກຍິງ ແລະ ຄອບຄົວຂອງນາງ

ຜູ້ສອນສາດສະໜາໄດ້ໄປທີ່ບ້ານຄອບຄົວມໍເລ. ພໍ່ແມ່ຂອງນາງລູສີໄດ້ເຊື້ອເຊີນຜູ້ສອນສາດສະໜາໃຫ້ສິດສອນເຂົາເຈົ້າ ແລະ ໝູ່ເພື່ອນຂອງເຂົາເຈົ້າ.

ເດັກຍິງກຳລັງເອົາຜ້າແພຕູ້ມບ່າໄລ່ຂອງແມ່ຍິງໃນຂະນະທີ່ຄົນອື່ນກຳລັງຮັບບັບຕິສະມາໃນແມ່ນ້ຳທີ່ຢູ່ເບື້ອງຫລັງ

ຄືນນັ້ນ, 17 ຄົນໄດ້ຮັບບັບຕິສະມາ. ສອງສາມມື້ຈາກນັ້ນ, ອີກ 50 ຄົນໄດ້ມາຟັງຜູ້ສອນສາດສະໜາ ແລະ ໄດ້ຮັບບັບຕິສະມາ. ແມ່ນແຕ່ນາງອາບີແກວ ເພື່ອນບ້ານຂອງນາງລູສີກໍໄດ້ປ່ຽນໃຈ. ນາງ ແລະ ສາມີຂອງນາງ, ພ້ອມກັບນາງລູສີ ແລະ ສະມາຊິກຄອບຄົວຂອງນາງ, ໄດ້ເລືອກທີ່ຈະເຮັດຕາມພຣະເຢຊູຄຣິດ ໂດຍການຮັບບັບຕິສະມາ.

© 2025 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, April 2025. Laotian. 19631 331