Lucy el Konwacack Ma Pwacye

Sie lwen ah, Lucy Morley suc matwac yac singucul limekohsr tuh kahsruh mwet tuhlan lal, Abigail Daniels, in otwot nuknuk. Ke elos orekma, misineri tolu tongol sruhnguhl ah. Eltahl fahk muh Jisus Kraist El suhpwacltahl in akacsruhi ke sie pweng.

Mukul ac fahk nuh sel Abigail ac Lucy muh Jisus El pahnglol Joseph Smith in sie mwet pahluh. Eltahl fahk pac nuh seltahl ke Puk luhn Mormon.

Mwe lut nuh sel Lucy, Abigail el kasrkuhsrakwack. El oruh misineri ah som.

Lucy el etuh lah misineri inge mwet kuhlwacnsap luhn God. El fahk nuh seltahl in muhtwacta nuh yurin sucu lal ah tiacna loes.

Misineri ah som nuh ke lohm sin sucu Morley. Ninac ac pahpah tuhmwacl Lucy ah suli misineri ah in lotweltahl ac kawuck laltahl ah.

Fong sacn, mwet 17 tuh pacptaislac. Ke lwen ekahsr tohkoh ah, mwet 50 pac lohng misineri ah ac tuh pacptaislac. Finne mwet tuhlan se lal Lucy ah, Abigail, el ahollah nuhnak lal ah. El ac mukul tuhmwacl ah, weluhlwacng Lucy ac mwet ke sucu lal ah, tuh sulaclah in fahsr tukun Kraist ke elos tuh pacptaislac ah.

Sra Puk in Sroal

Ke Srihpacl Jisus Kraist, Nga Fah Sifilpac Moulyak

Sruhleyucklac sel Corey Egbert

Kom e esamuhl Jisus fuhkah ke pacl in Istuh?