Masarakan ni Lucy ti Kinapudno

Maysa nga aldaw, tultulongan ti agtawen-iti-15 a ni Lucy Morley ti kaarrubana, ni Abigail Daniels, nga agabel iti lupot. Bayat ti panangtrabahoda, tallo a misionario ti nagtuktok iti ridaw. Kinunada nga imbaon ida ni Jesucristo a mangibinglay iti maysa a mensahe.

Imbaga dagiti lallaki kada Abigail ken Lucy nga inawagan ni Jesus ni Joseph Smith nga agbalin a propeta. Imbagada pay kadakuada ti maipapan iti Libro ni Mormon.

Iti siddaaw ni Lucy, nakapungtot ni Abigail. Pinapanawna dagiti misionario.

Ammo ni Lucy a katulongan ti Dios dagiti misionario. Imbagana kadakuada a sarungkaranda ti pamiliana iti baba ti kalsada.

Napan dagiti misionario iti pagtaengan dagiti Morley. Inawis dagiti nagannak ni Lucy dagiti misionario a mangisuro kadakuada ken kadagiti gagayyemda.

Dayta a rabii, 17 a tattao ti nabuniagan. Iti sumaganad a sumagmamano nga aldaw, 50 pay a tattao ti nakangngeg kadagiti misionario ket nabuniaganda. Uray ti kaarruba ni Lucy a ni Abigail ket nagbaliw ti panunotna. Isu ken ti asawana, agraman ni Lucy ken dagiti kameng ti pamiliana, pinilida a suroten ni Jesucristo babaen ti panagbuniag.

Panid ti Panagkolor

Gapu ken ni Jesucristo, Agungarakto

Panangiladawan ni Corey Egbert

Kasano a malagipyo ni Jesus iti Paskua ti Panagungar?