Lucy Nrhiav Qhov Tseeb

Ib tug ntxhais hluas qhib qhov rooj cia ib pawg txiv neej nkag los thaum ib tug poj niam zaum ntawm ib lub ntos

Muaj ib hnub, Lucy Morley uas muaj 15 xyoos tau pab nws tus neeg zej zog, Abigail Daniels, ntos ntaub ntos xov. Thaum nkawd ua hauj lwm, peb tug tub txib khob qhov rooj. Lawv hais tias Yexus Khetos tau txib lawv los hais ib zaj xov.

Tus poj niam nyob ntawm lub ntos mluas mlob thaum cov txiv neej hais lus nrog tus ntxhais hluas

Cov txiv neej tau qhia Abigail thiab Lucy tias Yexus tau hu Joseph Smith los ua ib tug yaj saub. Lawv kuj qhia lawv txog Phau Ntawv Maumoos.

Tus poj niam chim siab ntiab cov txiv neej tawm ntawm nws lub tsev

Lucy ceeb tas vim Abigail chim siab. Abigail hais kom cov txub txib khiav mus.

Cov txiv neej saib nram qab thaum ib tug ntxhais hluas khiav los txog lawv

Lucy paub tias cov tub txib yog Vajtswv cov tub qhe. Nws qhia lawv kom mus xyuas nws tsev neeg uas nyob tid.

Cov txiv neej noj hmo nrog ib tug ntxhais hluas thiab nws tsev neeg

Cov tub txib tau mus rau tsev neeg Morley. Lucy niam thiab txiv caw cov tub txib qhia lawv thiab lawv cov phooj ywg.

Tus ntxhais hluas muab txoj phuam tso rau ib tug poj niam xub pwg thaum lwm tus muab neeg ua kev cai raus dej hauv tus dej

Hmo ntawd, 17 tus neeg tau ua kev cai raus dej. Nyob ob peb hnub tom qab ntawd, 50 tus neeg ntxiv tau mloog cov tub txib thiab ua kev cai raus dej. Lucy tus neeg zej zog Abigail kuj hloov siab thiab. Nws thiab nws tus txiv, nrog rau Lucy thiab cov neeg hauv nws tsev neeg, tau xaiv coj raws li Yexus Khetos thaum lawv ua kev cai raus dej.

© 2025 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Akiv: 6/19. Pub txhais ua lus Hmoob: 6/19. Kev txhais Monthly Friend Message, April 2025. Hmong. 19631 295