E Kunea te Koaua Lucy

N te bong teuana, Lucy Morley ae 15 ana ririki e buoka kaain rarikina, Abigail Daniels, ni ituui kunnikai. Ngke a mwakuri, teniman mitinare a karabwerebwe n aia mataroa. A taku bwa e kanakoiia Iesu Kristo bwa a na tibwa te rongorongo ma ngaiia.

Mwaane aikai a tuanga Abigail ao Lucy bwa E a tia Iesu ni wetea Iotebwa Timiti bwa te burabeti. A tuangiia naba taekan Ana Boki Moomon.

E rangi ni miimii Lucy, bwa e rangi n uun Abigail. E tuangiia mitinare bwa ana nako.

E ataia Lucy bwa mitinare aikai bon ana toro te Atua. E tuangia bwa a na kawaria ana utu ake a mena n te tabo naba anne.

Taian mitinare a nakon aia auti te utu ae Morley. Ana karo Lucy a kaoiia mitinare bwa ana reireiniia ma raoraoia.

N te tairiki anne, 17 aomata aika a bwabetitoaki. Ni boong ake imwiina, a bwabetitoaki 50 riki aomata ake a reireinaki irouia mitinare. Kain rarikin Lucy ae Abigail e bitaki naba ana iango. Neiei ma kainabana, n raona ma Lucy ao kain ana utu, a rineia bwa ana iriira Iesu Kristo ao n bwabetitoaki.

Te Iteraniba ae na Karanaki

Ibukin Iesu Kristo, N na Manga bon Mangauti

Kamataata n te Tamnei iroun Corey Egbert

Ko na kanga n uringa Iesu ni bongin te Itita?