Lucy a Kuna ewe Ennet

Eu ran, ewe ier 15 Lucy Morley a anisi chon orun Abigail Daniel, ne eken uf. Nupwen ra angang, unumon misineri ra fichifich won ewe asam. Ra apasa pwe Jises Kraist a tinireto ar repwe aporousa ngenir ew porous.

Ekkewe mwan ra ereni Abigail me Lucy pwe Jises a kori Joseph Smith epwe emon soufos. Ra pwan erenir usun ewe Puken Mormon.

Lucy a mairu, an Abigail a fokkun song. A fori an ekkewe misineri repwe tou.

Lucy a sinei pwe ekkewe misineri ir noun Kot chon angang. A erenir repwe churi an we famini ra nom kukutiw won ewe an.

Ekkewe misineri ra feino ngeni imwen ekkewe Morley ewe. Saman me inen Lucy kewe ra eitwa ekkewe misineri repwe asukuner me chiener kewe.

Ena pwinin, 17 aramas ra papatais. Non ekkewe fitu ran mwirin, 50 pwan ekkoch aramas ra rong ngeni ekkewe misineri me ra papatais. Pwan mwo chon orun Lucy we Abigail a siwini an ekiek. I me punuwan we, fiti Lucy me chochon an famini, ra finata ne tapweno mwirin Jises Kraist ren ar papatais.

Peichen Enuwa

Pokiten Jises Kraist, Upwe Manausafan

Sassing seni Corey Egbert

Ifa usun om chechemeni Jises non fansoun Paska?